​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ នេះ​ជា​រឿង​ដ៏​រន្ធត់ ដែល​បុរស​ម្នាក់​ដើរ​ដង្ហែ​ក្បាល​ប្រពន្ធ​របស់​គាត់​ជុំវិញ​ភូមិ​មួយ​ក្នុង​ប្រទេស​ឥណ្ឌា បន្ទាប់​ពី​កាត់​ក្បាល​នាង​ចោល ដោយសារតែ​”​គាត់​គិត​​ថា​នាង​សា​ហាយ​ស្មន់​”​។​

​មានឈ្មោះ​ថា ណា​កា​ប៉ូ​ឌី ម៉ាច​ហ៊ី (Nakapodi Majhi) មក​ពី​សង្កាត់​មួយ​ក្នុង​ក្រុង​ប៊ូ​ហា​ណេ​ស្វា (Bhubaneswar) រដ្ឋ​អូ​ឌី​សា (Odisha)​បុរស​នេះ​ត្រូវបាន​ចោទប្រកាន់​ថា​បាន​កាត់​ក្បាល​​ជនរងគ្រោះ​ដោយ​អាវុធ​មុត​ស្រួច មុន​ពេល​ដើរ​យួរ​ក្បាល​ក្នុង​ដៃ​របស់​គាត់​។​

​វីដេអូ​មួយ​បានបង្ហាញ​លោក​ម៉ាច​ហ៊ី​ដើរ​ជុំវិញ​ភូមិ​ដេនកា​ណាល់ (Dhenkanal) ដែល​ថត​បាន​នៅ​ថ្ងៃ​សុក្រ ១៥ ខែកក្កដា​។​

​ក្រោយមក បុរស​នោះ​ត្រូវបាន​ចាប់ខ្លួន ហើយ​ត្រូវ​គេ​និយាយ​ថា​បាន​ប្រគល់​ខ្លួន​ឱ្យ​ប៉ូលិស​នៅ​ជិត​ភូមិ​បែ​ល​ទី​ហ្គីរី (Beltigiri)​។​

​ប៉ូលិស​ក៏​បាន​រឹបអូស​យក​បំណែក​សព​ជនរងគ្រោះ ហើយ​ចាប់ផ្តើម​ធ្វើការ​ស៊ើបអង្កេត​លើ​ហេតុការណ៍​នោះ​។​

​មូលហេតុ​ពិតប្រាកដ​នៅ​ពីក្រោយ​ឃាតកម្ម​នេះ​នៅ​មិនទាន់​ដឹង​ទេ ប៉ុន្តែ​គេ​ជឿ​ថា​លោក​ម៉ាច​ហ៊ី​សង្ស័យ​ប្រពន្ធ​របស់​គាត់​ផិត​ក្បត់ នេះ​បើ​យោង​តាម​ប៉ូលិស​។​

​លោក​ម៉ាច​ហ៊ី​មើលទៅ​ហាក់​មិន​ខ្វល់​ពី​ទង្វើ​ដ៏​សាហាវ​នេះ​ទេ ដោយ​កាន់​ក្បាល​ខ្មោច​យ៉ាង​រំភើយ ខណៈ​អ្នក​ឈរ​មើល​នាំគ្នា​សម្លឹង​មើល​ទាំង​ស្រឡាំងកាំង​៕

​ណា​កាផូ​ឌី ម៉ាច​ហ៊ី ពី​បទ​ធ្វើ​ឃាត​ប្រពន្ធ​កាលពី​ថ្ងៃ​សុក្រ ទី​១៥​កក្កដា ឆ្នាំ​២០២២។បុរស​នោះ​ត្រូវបាន​ចាប់ខ្លួន ហើយ​ត្រូវ​គេ​និយាយ​ថា​បាន​ប្រគល់​ខ្លួន​ឱ្យ​ប៉ូលិស​