ដោយ​: ប​.​ជ័យ / បន្ទាយមានជ័យ​: ដើម្បី​បង្ការ ទប់ស្កាត់​និង​ក៏​ឱ្យ​យល់ដឹង​ពី​ប្រភេទ​សារធាតុ​ញៀន​ថ្មី កាលពី​ថ្ងៃទី​១៤-១៥ ខែកក្កដា ឆ្នាំ​២០២២ ដោយយោង​ការយកចិត្តទុកដាក់​ខ្ពស់​ពី​លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ​នោះ លោក​វរសេនីយ៍ឯក សៅ សារឿន អធិការនគរបាល​ក្រុង​ប៉ោយប៉ែត បាន​បញ្ជារ​ផ្ទាល់​កម្លាំង​ផ្នែក​នគរបាល​យុត្តិធម៌ និង​កម្លាំង​ផ្នែក​ប្រឆាំង​គ្រឿងញៀន ចុះ​ណែនាំ​ដល់​ក្រុម យុវជន យុវតី និង​កន្លែង​ដែលមាន​លក់​/ ប្រើប្រាស់​ស៊ី​ហ្សា និង​បារី​អេ​ឡិច​ត្រូ​និ​ច (SISHA និង E-Cigarette) ដើម្បី ឱ្យ​យល់ដឹង​ពី​ប្រភេទ​សារធាតុ​ញៀន​ថ្មី ដែល​ធ្វើឱ្យប៉ះពាល់​សុខភាព​យ៉ាងធ្ងន់ធ្ងរ​។ ពោល​គឺជា​បារី អាជ្ញាធរ​សមត្ថកិច្ច​មិន​អនុញ្ញាតិ​ឱ្យប្រើ​ប្រាស់​ឡើយ​។​

​លោក​វរសេនីយ៍ឯក សៅ សារឿន បាន​ឲ្យ​ដឹង​បន្តថា កម្លាំង​នគរបាល​ក្រុង​សិរីសោភ័ណ និង​កម្លាំង​នគរបាល​សង្កាត់​ប៉ុស្តិ៍​ព្រះ​ពន្លា បានធ្វើ​ករ​ការត្រួតពិនិត្យ​វត្ថុតាង​ដូចជា​ឧបករណ៍ និង​វត្ថុ ដែល​ពាក់ព័ន្ធ​ការប្រើប្រាស់​សុ​ី​ហ្សា និង​បារី​អេ​ឡិច​ត្រូ​និ​ច មាន​ម៉ាស៊ីន​YOOZ ម៉ាស៊ីន Vape ទឹក​ថ្នាំ Vape ទឹក​ថ្នាំ YOOZ សំឡី ជាដើម​។ ប៉ុន្តែ រកឃើញ​តិចតួច​ណាស់​នៅ​ខាងក្រៅ​ប្លុក​កាស៊ីណូ ព្រោះ​ម្ចាស់​អាជីវកម្ម​នៃ​របរ​នេះ មិនទាន់​ធ្វើ​អាជីវកម្ម​ផុលផុស​នៅឡើយ .

​ម្ចាស់​ទីតាំង​លក់​ផលិតផល​ស៊ី​ហ្សា និង​បារី​អេ​ឡិច​ត្រូ​និ​ច​នោះ ក៏មាន​មាន​តិចតួច នៅ​ភូមិសាស្ត្រ​ខាងក្រៅ​បរិវេណ​កាស៊ីណូ នា​ក្រុង​ប៉ោយប៉ែត​ខេត្តបន្ទាយមានជ័យ​។​

​លោក​និង​កម្លាំង​បាន​បន្ត ការចុះ​ធ្វើការ​អប់រំ និង​ធ្វើ​កិច្ចសន្យា​ដល់​ម្ចាស់​ទីតាំង​លក់​ផលិតផល​ស៊ី​ហ្សា និង​បារី​អេ​ឡិច​ត្រូ​និ​ច មិន​ឲ្យ​លក់​បន្តទៀត​នេះ អនុវត្តតាម​បទបញ្ជា​របស់លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ លោក​បាន​ឲ្យ​កំលាំង​នគរបាល​ចុះ​ធ្វើការ​ស្រាវជ្រាវ​រុករក​ទីតាំង​ណា​ដែល​លួចលាក់ ចែកចាយ និង​ប្រើប្រាស់ ផលិតផល​ស៊ី​ហ្សា និង​បារី​អេ​ឡិច​ទ្រនិច​នេះ ត្រូវ​ចុះបង្ក្រាប​ជាបន្ទាន់ ។​

​ពោលគឺ​លោកស្នងការ​បានចេញ​បំរាម /១​ការធ្វើ​អាជីវកម្ម និង​ការ​នាំចូល​ផលិតផល​ស៊ី​ហ្សា និង​បារី​អេ​ឡិច​ត្រូ​និ​ច ត្រូវ​ទប់ស្កាត់​ជាបន្ទាន់​២/​មិនត្រូវ​ផ្ដល់​ទីតាំង​ឬ​កន្លែង​ប្រើប្រាស់ ស៊ី​ហ្សា​និង​បារី​អេ​ឡិច​ត្រូ​និ​ច គ្រប់​រូបភាព​ណាក៏ដោយ​៕​