​ប្រែ​សម្រួលៈ​បំណង​(​ដេល្លី​ម៉េល​)៖ គណៈកម្មាធិការ​សុខាភិបាល​ជាតិ​បាន​និយាយ​កាលពី​ថ្ងៃអាទិត្យ​ថា មនុស្ស​៦៩១​នាក់​ត្រូវបាន​រកឃើញ​ថា​ឆ្លងកូវី​ដ​១៩​កាលពី​ថ្ងៃ​សៅរ៍​នៅ​ចិនដីគោក ដោយ​កើន​លើស​​មួយ​ថ្ងៃ​មុន​ដែល​មាន​អ្នក​ឆ្លង​៥៤៧​នាក់​។​

​ក្នុងចំណោម​ករណី​ឆ្លង​ថ្មី ៥៨០​នាក់​ឆ្លង​នៅក្នុង​ស្រុក ដោយ​ខេត្ត​ហ្កាងស៊ី​និង​ហ្កា​ន់​ស៊ូ មាន​អ្នក​ឆ្លង​ច្រើនជាងគេ ហើយ​រដ្ឋធានី​ប៉េកាំង​មិន​បាន​រក​ឃើញ​អ្នក​ឆ្លង​ថ្មី​ដ​ល់​ថ្ងៃ​ទី​ពីរ​ជាប់គ្នា។​ក្នុងពេល​ជាមួយគ្នា ទីក្រុង​​ហិរញ្ញវត្ថុ​សៀង​ហៃ​បាន​រាយការណ៍​រកឃើញ​អ្នក​ឆ្លង​ថ្មី ២៦​នាក់​សំរាប់​ថ្ងៃ​សៅរ៍ ដោយ​មួយ​ករណី​នៅក្រៅ​មណ្ឌល​ចត្តា​ឡី​ស័ក​។​

​វា​ជា​ការ​ឆ្លងកូវី​ដ​១៩​ខ្ពស់​បំផុត​គិត​ចាប់តាំងពី​ថ្ងៃ​២៣​ឧសភា​មក តែ​មិន​មាន​អ្នក​ស្លាប់​ដោយ​ជំងឺ​នេះ​បន្ថែម​ទេ​។​

​គិត​មក​ត្រឹម​ថ្ងៃ​សៅរ៍ ចិនដីគោក​មាន​អ្នក​កើតកូ​វីដ​១៩​សរុប ២២៧.៤២៧​នាក់​និង​៥.២២៦​នាក់​ស្លាប់នៅក្នុងរយៈពេលជាងពីរឆ្នាំមកនេះ​។​

​ចិនដីគោក​បាន​រាយការណ៍​រក​ឃើញ​អ្នក​ឆ្លងកូវី​ដ​១៩​ថ្មី​៤៥០​នាក់​សំរាប់​ថ្ងៃ​១៥​កក្កដា ជា​ចំនួន​ឆ្លង​ខ្ពស់បំផុត​គិត​ចាប់តាំងពី​ថ្ងៃ​២៥​ឧសភា​

តំបន់រដ្ឋបាលពិសេសម៉ាកាវរបស់ចិនបន្តការបិទខ្ទប់ដល់ថ្ងៃ២២កក្កដា ដើម្បីបញ្ឈប់ការឆ្លងរាលដាលកូវីដ

​ទិន្នន័យ​កាលពី​ថ្ងៃ​សុក្រ​បានបង្ហាញ​ថា ការបិទ​ខ្ទប់​ទូទៅ​ដើម្បី​ទប់ស្កាត់​ការឆ្លង​រាលដាល​កូវី​ដ​១៩​បាន​ប៉ះពាល់​សកម្ម​ភាពសេដ្ឋកិច្ច​នៅ​ត្រីមាស​ទី​ពីរ​។​ផលិតផល​ក្នុងស្រុក​សរុប​(GDP)​របស់​ចិន​បាន​កើន​​តែ​០,៤​ភាគរយ​ក្នុង​អំឡុង​ពេល​នេះ ដែលជា​ល្បឿន​រីកចំរើន​យឺត​បំផុត​ចាប់តាំងពី​ប្រទេស​រង​ការវាយប្រហារ​ដោយកូវី​ដ​១៩​ដំបូង​កាលពី​ពីរ​ឆ្នាំ​មុន​៕