ដោយ​: ភ្នំ​សន្ទុក​/​កំពង់ធំ​: ក្រុមការងារ​ប្រចាំការ​អនុវត្ត​បទបញ្ជា​ទប់ស្កាត់ និង​បង្ក្រាប​បទល្មើស​នេសាទ​បឹង​ទន្លេសាប ឈរជើង​នៅ​ចំណុច​ឃុំ​ផាត់​សណ្តាយ ស្រុក​កំពង់ស្វាយ ខេត្តកំពង់ធំ ប្រចាំការ​នៅ​កន្លែង និង​រុញ​ផ្ទះ​បណ្តែត​ទឹក​ចូល​ខាង​ដោយ​ទឹកជំនន់​ស្ទឹងសែន​ហូរ​ខ្លាំង​។ ជាក់ស្តែង​នៅ​ចុង​ស​ប្ភា​ហ៍​នេះ​ក្រុមការងារ​ប្រចាំការ​អនុវត្ត​បទបញ្ជា​ទប់ស្កាត់ និង​បង្ក្រាប​បទល្មើស​នេសាទ​បឹង​ទន្លេសាប​ឈរជើង​នៅ​ឃុំ​ពាម​បាង ស្រុក​ស្ទោង ខេត្តកំពង់ធំ ក្រោម​ការអនុវត្ត​ផ្ទាល់ លោក​គង់ សុភាព មេបញ្ជាការរង​កងរាជអាវុធហត្ថ​ខេត្តកំពង់ធំ និង​លោក ម៉េង ភក្តី ស្នងការរង​នគរបាល​ខេត្តកំពង់ធំ បាន​ដឹកនាំ​កំលាំងចម្រុះ​ចុះ​ទប់ស្កាត់​បង្ក្រាប​បទល្មើស​ជលផល​នៅ​ចំណុច ព្រែក​កាប់​ចែស កំពីង​ត្រឡាច ភូមិ​ពៅ​វើ​យ ឃុំ​ពាម​បាង ស្រុក​ស្ទោង​ខេត្តកំពង់ធំ​។

​យោងតាម​ប្រភព​របាយ​ការ​រណ៍ របស់​ខណ្ឌ​រដ្ឋ​បាលជ​ល​ផល​កំពង់ធំ​ឲ្យ​ដឹងថា​៖​ប្រតិបត្តិ​ការបង្ក្រាប​នោះ ជាល​ទ្ឋ​ផល​អនុវត្តន៍​បាន​មួយ​ករណី រុះរើ​កាប់បំផ្លាញចោលរ​បាំងសាច់​អួន​នៅនឹងកន្លែង​រួមមាន : របាំង​សាច់​អួន​ក្រឡា​ញឹក​ចំនួន​មួយ​របាំង​ប្រវែង​៤០០​ម៉ែត្រ លប​/​លូ សាច់​អួន​ចំនួន​បួន​មាត់ ឡុ​កសាច់​អួន​ចំនួន​ពីរ​គ្រឿង បង្គោល​ចំនួន​៣០០​ដើម​ និងចាក់​លែងត្រី​​ចូល​បឹង​ធម្មជាតិ​ទម្ងន់​១៥​គីឡូក្រាម ។​

​សូមបញ្ជាក់ថា ករណី​ខាងលើនេះ​មិនបាន​ឃាត់​ម្ចាស់​បទល្មើស​នេសាទ​ទេ ព្រោះ​បាន​បើកទូក​រត់គេច​ចូល​ព្រៃ​បាត់​ពេលដែល​ឃើញ​សមត្ថកិច្ច​៕​