​ប្រែ​សម្រួលៈ​បំណង​(​ដេល្លី​ម៉េល​)៖ ខ្មាន់កាំភ្លើង​ម្នាក់​បាន​បាញ់​សម្លាប់​មនុស្ស​បី​នាក់​នៅ​កន្លែង​លក់​អាហារ​ក្នុង​ផ្សារ​មួយ​នៅក្រៅ​ទីក្រុង​អ៊ី​ន​ឌីយ៉ាណា​ប៉ូលីស​(Indianapolis)​ក្នុង​រដ្ឋ​អ៊ី​ន​ឌីយ៉ាណា សហរដ្ឋ​​អាម៉េរិក​កាលពីល្ងាច​ថ្ងៃអាទិត្យ មុន​ពេល​អ្នក​នៅក្បែរ​កន្លែងកើតហេតុ​បាញ់ស​ម្លាប់​ជនដៃដល់​។​

​មនុស្ស​ពីរ​នាក់​ទៀត​បាន​រងរ​បួស​ក្នុង​ឧបទ្ទវហេតុ​ដែល​បាន​កើតឡើង​កាលពី​ល្ងាច​ថ្ងៃអាទិត្យ​នៅ​ផ្សារ​ហ្គ្រី​ន​វូដ ផាក ម៉ល​( Greenwood Park Mall)​នេះ​បើ​តាម​ការផ្សាយ​របស់​កា​សែ​ត​Indianapolis Star ។

​កាសែត​បាន​រាយការណ៍​ថា ប៉ូលិស​ជឿ​​ថា អ្នក​នៅ​ក្បែរ​កន្លែង​កើតហេតុ​ម្នាក់​ដែល​ក៏មាន​កាំភ្លើង​ផងដែរ​បាន​បាញ់សម្លាប់​ខ្មាន់កាំភ្លើង​និង​ថា​ជន​វាយប្រហារ​មានតែ​ម្នាក់​​ឯង​នេះមាន​កាំភ្លើង​វែង​មួយ​ដើម ព្រមទាំង​ទស្សនា​វ​ដ្តី​កាំភ្លើង​ជា​ច្រើន​។​

​រូបភាព​វីដេអូ​បង្ហាញ​អ្នកដើ​រទិញ​អីវ៉ាន់​និង​និយោជិត​ផ្សារ​រត់​រក​កន្លែង​លាក់ខ្លួន​នៅ​ពេល​ឮ​សម្លេង​កាំភ្លើង​។​

​ប៉ូលិស​មិន​បាន​បញ្ចេញ​ឈ្មោះ​ជន​វាយប្រហារ​ទេ​ឬ​ជន​រងគ្រោះ​ទេ ។​

​ការបាញ់ប្រហារ​នេះ​កើតឡើង​ចំពេល​មាន​ការព្រួយបារម្ភ​ទូទៅ​អំពី​អំពើហិង្សា​ដោយ​កាំភ្លើង​ដែល​អាច​បញ្ចៀស​បាន​នៅ​តាម​សាលារៀន កន្លែងធ្វើការ ផ្សារ​និង​ទី​សាធារណៈ​នៅ​សហរដ្ឋ​អាម៉េរិក​។​សូមបញ្ជាក់ថាមានការ​​បាញ់ប្រហារ​សម្លាប់​មនុស្ស​ច្រើនៗ​ចាប់តាំងពី​ខែ​ឧសភា​នៅ​ហាង​លក់​គ្រឿងទេស​និង​ភេសជ្ជៈ​មួយ​នៅ​ញូវយ៉ក នៅ​សាលាបឋមសិក្សា​មួយ​នៅ​តិច​សាស់ និង​លើ​ក្បួន​ដង្ហែ​អបអរ​ទិវា​ឯករាជ្យ​ជាតិ​អាម៉េរិក​​នៅ​រដ្ឋ​អ៊ី​លី​ណ​យ ដោយបង្ក​អោយមាន​ការជជែក​ពិភាក្សាគ្នា​យ៉ាង​ក្តៅគគុក​នៅ​អាម៉េរិក​អំពី​ច្បាប់កាន់​កាំភ្លើង​៕

​ទិដ្ឋភាព​នៅ​ក្រៅ​ផ្សារ​ហ្គ្រី​ន​វូដ ផាក ម៉ល​ដែល​រង​ការបាញ់ប្រហា​រ​