​ប្រែ​សម្រួលៈ​បំណង​(CNA)៖ ទីក្រុង​ម៉ា​កាវ​របស់​ចិន បានចាប់ផ្តើម​ការ​ធ្វើតេស្តិ៍​ទ្រង់ទ្រាយ​ធំ​ដើម្បី​រក​មេ​រោគកូ​វីដ​១៩​ជុំ​ទី​១១​កាលពី​ថ្ងៃ​ចន្ទ​ទី​១៨​កក្កដា នៅពេល​មជ្ឈមណ្ឌល​ល្បែង​ធំ​បំផុត​ក្នុង​លោក​នេះ​​ពន្យារ​ពេល​បិទ​កាស៊ីណូ​និង​អាជីវកម្ម​មិនចាំបាច់ផ្សេងៗ​ដើម្បី​ប្រយុទ្ធ​នឹង​ការផ្ទុះកូ​វីដ​១៩​ដ៏​អាក្រក់​ចាប់តាំងពី​ពេល​មាន​វត្តមាន​ជំងឺឆ្លង​នេះ​មក​។​

​ទោះ​ជា​ចំនួន​ឆ្លង​បាន​ធ្លាក់ចុះ​ថេរ​ដែល​កាលពី​ថ្ងៃអាទិត្យ​រកឃើញ​អ្នក​ឆ្លង​ថ្មី​ត្រឹមតែ​២៧​នាក់ក៏​អាជ្ញាធរ​បាន​និយាយថា អ្នក​រស់នៅក្នុង​ទីក្រុង​នេះ​ជាង​៦០០.០០០​នាក់​ត្រូវ​តែ​នៅក្នុង​ផ្ទះ​និង​អាជីវកម្ម​​មិនចាំបាច់​នៅ​បន្ត​បិទទ្វារ​រហូតដល់​ថ្ងៃ​សុក្រ​។​

អ្នក​រស់នៅ​ក្នុង​ទីក្រុង​នេះ​ជាង​៩០​ភាគរយ​បាន​ចាក់​វ៉ាក់សាំង​ការពារកូ​វីដ​១៩​បាន​ពេញលេញ តែនេះ​ជា​លើកដំបូង​ដែល​ក្រុង​ម៉ា​កាវ​ប្រឈម​ដោះស្រាយ​នឹង​ការផ្ទុះ​ជំងឺ​កូវី​ដ​១៩​ដ៏​អាក្រក់​បំផុត ជំរុញ​​ឡើង​ដោយ​វីរុស​ចម្លង​លឿន​អូ​មី​ក្រុង​។​

​ម៉ា​កាវ ដែល​បាន​បិទ​ខ្ទប់​ចាប់តាំងពី​ថ្ងៃ​១១​មិថុនា​មក បាន​រក​ឃើញ​អ្នក​ឆ្លងកូវី​ដ​១៩​ជាង​១.៧០០​នាក់​ចាប់​តាំងពី​ពាក់កណ្តាល​ខែ​មិថុនា​មក​ក្រោយ​ពី​បាន​រួចផុត​ពី​ការវាយប្រហារ​នៃ​ជំងឺ​នេះ​នៅក្រោយ​​ការផ្ទុះ​ជំងឺ​នេះ​ម្តង​កាលពី​ខែ​តុលា​ឆ្នាំ​២០២១​។​

​ការ​ធ្វើតេស្តិ៍​អ្នកក្រុង​ម៉ាកា​វ​ទាំងអស់​នឹង​ត្រូវ​ធ្វើឡើ​ង​យ៉ាង​តិច​ពីរ​ដង​នៅ​សប្តាហ៍​នេះ ដោយ​ប្រើ​ឧបករណ៍​តេស្តិ៍​រហ័ស​

​ក្នុងពេល​ជាមួយគ្នា រដ្ឋាភិបាល​ទីក្រុង​បាន​និយាយ​កាលពី​ថ្ងៃ​ចន្ទ​ថា ទីក្រុង​សៀង​ហៃ​នឹង​តំរូវ​អោយ​អ្នករស់នៅ​ទាំង​ប្រាំបួន​សង្កាត់​ក្នុង​ទីក្រុង​និង​តំបន់​តូចៗ​ខ្លះ​ធ្វើតេស្តិ៍​រក​កូវី​ដ​១៩​ចាប់ពី​ថ្ងៃ​១៩​ដល់​២១​កក្កដា​​ក្នុង​កិច្ចខិតខំ​មួយ​ដើម្បី​រារាំង​កុំអោយ​មេរោគ​ឆ្លង​រាលដាល​ពាសពេញ​សហគមន៍​ក្នុង​ក្រុង​ហិរញ្ញវត្ថុ​នេះ​។​

​អ្នករស់នៅ​ក្នុង​សង្កាត់​ទាំងនេះ​នឹង​តំរូវអោយ​ធ្វើតេស្តិ៍​រក​កូ​វីដនៅ​បី​ថ្ងៃ​ខាងមុខ​។​

​ក្រុង​សៀង​ហៃ​បាន​រកឃើញ​អ្នក​ឆ្លងកូវី​ដ​១៩​ថ្មី​១៤​ករណី​សំរាប់​ថ្ងៃអាទិត្យ ដោយ​ចុះ​ពី​ចំនួន​២៤​នាក់​កាល​ពី​មួយ​ថ្ងៃមុន និង​មិន​មាន​ការស្លាប់​ថ្មី​ដោយ​ជំងឺ​នេះ​ទេ​។​

​សូមបញ្ជាក់​ថា ចិន​នៅ​ថ្ងៃ​ចន្ទ​នេះ​បាន​រាយការណ៍​អ្នក​ឆ្លង​ថ្មី​៥៩៨​នាក់​សំរាប់​ថ្ងៃអាទិត្យ តែ​មិន​មាន​អ្នក​ស្លាប់​ដោយកូវី​ដ​១៩​ថ្មី​ទេ​៕