​ដោយ​:​សុខុម​/​ស្ទឹងត្រែង​៖ ព្រះ​មេគណ​ខេត្តស្ទឹងត្រែង ព្រះនាម នូ ចន្ថា បាន​សុគត​នៅវេលា​ម៉ោង​ជិត​៦​ល្ងាច ថ្ងៃទី​១៨ ខែកក្កដា ឆ្នាំ​២០២២ ក្នុង​មន្ទីរពេទ្យបង្អែក​ខេត្តស្ទឹងត្រែង ដោយ​រោគាពាធ​មាន​ព្រះជន្ម​៨២​ព្រះវស្សា​។

​ព្រះ​វិសុទ្ធិ​មុនី នូ ចន្ថា កាល​នៅមាន​ព្រះជន្ម ព្រះ​អង្គជា​ព្រះចៅអធិការ​គង់នៅ​វត្ត​ស្រះកែវ​មនី​វណ្ណ ហៅ​វត្ត​លើ​សង្កាត់​ស្ទឹងត្រែង​ក្រុង​ស្ទឹងត្រែង ។​ព្រះអង្គ​ត្រូវបានតែងតាំង​ជា​ព្រះ​រាជាគណ​:​កិត្តិយស ព្រះ​ធម្ម​កោសល​ហ្ល័កខាំ ព្រះ​មេគណ​ខេត្តស្ទឹងត្រែង​។ ធ្លាប់មាន​ស្នាដៃ​ជាច្រើន​បម្រើ​លើ​វិស័យ​ព្រះពុទ្ធសាសនា​។​

អាជ្ញាធរ​បាន​ជូនដំណឹង​ថា​ព្រះ​សព​ព្រះ​មេគណ​ខេត្ត​និង​តម្កល់​ធ្វើបុណ្យ​តាម​ប្រពៃណី​នៅក្នុង​វត្ត​ស្រះ​តាម​មុន្នី​វណ្ណ​ហៅ​វត្ត​លើ​៕​សរន​