ដោយ : ប​.​ជ័យ / បន្ទាយ​មាន​ជ័​យៈ កម្លាំង​អាវុធហត្ថ ក្រុង​សិរីសោភ័ណ បាន​ស្រាវជ្រាវ ឃាត់ខ្លួន​ជនសង្ស័យ​ម្នាក់​ករណី​ធ្វើឱ្យ​ខូចខាត ដោយ​ចេតនា និង​ប្រើប្រាស់​នូវ​សារធាតុ​ញៀន ដែល​ប្រព្រឹត្ត​កាលពី​វេលា​ម៉ោង​២១​និង​៣០​នាទី យប់​ថ្ងៃទី​១៧​ខែកក្កដា ឆ្នាំ​២០២២ នៅ​ចំណុច​ភូមិ​អូរ​អំបិល សង្កាត់​អូរ​អំបិល ក្រុង​សិរីសោភ័ណ ខេត្តបន្ទាយមានជ័យ ហើយ​ត្រូវបាន​បញ្ជូនទៅ​តុលាការ​នៅ​ថ្ងៃទី ១៩ ខែ កក្កដា នេះ ។

​លោក វរសេនីយ៍ត្រី យ៉ាន់ សុវណ្ណ មេបញ្ជាការ មូលដ្ឋាន​អាវុធហត្ថ​ក្រុង​សិរី​សោ​ភ័ ណ បាន​ឲ្យ​ដឹងថា ជនសង្ស័យ​មាន​គ្នា​ចំនួន​០៨ នាក់ បានធ្វើ​សកម្មភាព​ជិះ​ម៉ូតូ ដោយមាន​កាន់​កាំបិតផ្គាក់ ជិះ​ដេញតាម​ជនរងគ្រោះ​ឈ្មោះ កែវ ពិសិដ្ឋ ភេទ​ប្រុស អាយុ​១៤​ឆ្នាំ និង​ឈ្មោះ ឡាយ វីរៈ ភេទ​ប្រុស អាយុ ១៤​ឆ្នាំ ដល់​ចំណុច​ក្បែរ ភោជនីយ៍ដ្ឋាន​ផ្កាយព្រឹក ស្ថិតនៅ​ភូមិ​អូរ​អំបិល សង្កាត់​អូរ​អំបិល ក្រុង​សិរីសោភ័ណ ខេត្តបន្ទាយមានជ័យ ។​

​លោក​បាន​បន្តថា ដោយមាន​ការភ័យខ្លាច​ជនរងគ្រោះ​ក៏បាន​ផ្ដួល​ម៉ូតូ​ចោល ហើយ​រត់​ចូល​ពួន​ក្នុងផ្ទះ​ប្រជាពលរដ្ឋ ដោយឡែក ក្រុម​របស់​ជនសង្ស័យ ក៏បាន​ធ្វើ​សកម្មភាព​យក​កាំបិតផ្គាក់ កាប់បំផ្លាញ​ម៉ូតូ​(​ម៉ូតូ​ម៉ាក​ហុងដា​ស្កុប​ពី ពណ៍​ខៀវ ផលិត​ឆ្នាំ​២០១៧ គ្មាន​ស្លាក​លេខ​) របស់​ជនរងគ្រោះ​បណ្តាល​ឲ្យ ខូចខាត​យ៉ាងខ្លាំង​។

​លោក​វរសេនីយ៍ត្រី យ៉ាន់ សុវណ្ណ បាន​បន្តថា ក្រោយពី​ទទួល​បណ្ដឹង​របស់ ជនរងគ្រោះ​រួច កម្លាំង​ជំនាញ​ការិយាល័យ​ព្រហ្មទណ្ឌ មន្ទីរ​ស្រាវជ្រាវ និង​បង្ក្រាប បទល្មើស​សហការ​ជាមួយ​កម្លាំង​មូលដ្ឋាន​កងរាជអាវុធហត្ថ​ក្រុង​សិរីសោភ័ណ បាន​ចុះ​ប្រតិបត្តិការ និង​ធ្វើការ​ស្រាវជ្រាវ រហូត​ឈានដល់​ការឃាត់ខ្លួន​ជនសង្ស័យ ម្នាក់ ឈ្មោះ ច​ន រាជ (​ហៅ រក្សា​) ភេទ​ប្រុស អាយុ​១៧​ឆ្នាំ នាំខ្លួន​មក​ក​កាន់​បញ្ជា ការដ្ឋាន កងរាជអាវុធហត្ថ​ខេត្ត ដើម្បី​ធ្វើការ​សួរនាំ និង​ចំណាត់ការ​តាម​នីតិវិធី​។

​លោក​វរសេនីយ៍ទោ ព្រហ្ម ថេ​ង ប្រធាន​មន្ទីរ​ស្រាវជ្រាវ ន​និង​បង្ក្រាប​បទល្មើស កងរាជអាវុធហត្ថ​ខេត្តបន្ទាយមានជ័យ​ប្រាប់​ឱ្យដឹងថា ដោយ ទទួល​បានការ អនុញ្ញាត​ពី​លោក​ឧ​ត្ត​ម​សេនីយ៍​ត្រី បោ​ន ប៊ិន មេបញ្ជាការ​កងរាជអាវុធហត្ថ​ខេត្ត និង​មានការ​សម្របសម្រួល​នីតិវិធី​ពី លោក កើត វណ្ណា​រ៉េត ព្រះរាជអាជ្ញា អម​សាលាដំបូង​ខេត្ត បច្ចុប្បន្ន ជនសង្ស័យ ត្រូវបាន​កម្លាំង​កងរាជអាវុធហត្ថ ខេត្ត​បញ្ជូនទៅ​សាលាដំបូង​ខេត្ត អនុវត្តតាម​នីតិវិធី​ហើយ ៕​/PC