ដោយ :​ប​.​ជ័យ​/ ស្រះកែវៈ កសិដ្ឋាន​ចិញ្ចឹម​គោ​សាច់​អេស​ខេ ជនបទ​(SK Country Farm ) របស់​ថៃ​នៅ​ស្រុក​វ​ឌ្ឍ​នា​នគរ​ខេត្ត​ស្រះកែវ​បាន​ស្វាគមន៍​កសិករ និង​មន្ត្រី ជំនាញ​ផលិតកម្ម​សត្វ បសុព្យាបាល​ខ្មែរ​ចូលទៅ​ដកស្រង់​បទពិសោធន៍ និង​ទទួល​ការប្រឹក្សា​បច្ចេកទេស ក៏ដូចជា​ពិគ្រោះ​ទុក​វិនិយោគ ។​

​លោក ឆាន​រ៉ុង ប៊ុនឆាត​ម៉ាក់​គ្ឌី ម្ចាស់​កសិដ្ឋាន​ខាងលើ​និង​ជា​ម្ចាស់​ហាង​សាច់គោ ប៊ី​ស្តឹក​អេស​ខេ (SK Food & Steak) នៅ​ស្រុក​វ​ឌ្ឍ​នា​នគរ​ខេត្ត​ស្រះកែវ​អោយ ដឹង​កន្លងមក​ថា : លោក​មាន​កសិដ្ឋាន​ចិញ្ចឹម​គោ​សាច់​ពូជ​ប្រា​ម៉ាន់​(Amerian Cow Braman) របស់​អាមេរិក​និង​ពូជ​គោ​សាច់​វ៉ា​ឃ្យូ​(Wagyu)​របស់​ជប៉ុន លើ​ផ្ទៃដី​ជាង​១ ពាន់​រ៉ៃ​( ១​រ៉ៃ​ទំហំ​៤០​ម៉ែត្រ​បួន​ជ្រុង​) ដែលជា​កសិដ្ឋាន​ចិញ្ចឹម​គោ​សាច់​ធំជាងគេ នៅ​ខេត្ត​ភាគ​បូព៌ា​ថៃ ។

​លោក​បន្តថា ក្រៅពី​លក់ដុំ​សាច់គោ ពី​កសិដ្ឋាន​នេះ​ក៏មាន​ដាំ​និង​វេច​ខ្ខប់​លក់​ស្មៅ ,​សំណ​លពី​សត្វ​ផងដែរ ។​

​លោក​អះអាងថា របរ​លោក​មានការ​ប្រែប្រួល​រី​ចម្រើន​ជា​លំដាប់ ប៉ុន្តែ​ចំពោះមុខ កសិដ្ឋាន​លោក​ក៏​ចង់​និង​មានបំណង​ចែករំលែក​បទពិសោធន៍ ដល់​អ្នកជិតខាង ទាំង​ពលរដ្ឋ​ថៃ​និង​ពលរដ្ឋ​កម្ពុជា​ដែលជា​កសិករ​មាន​ចំណាប់អារម្មណ៍​លើ​ការបណ្តាក់ទុន​បង្កើនរ​បរ​ចិញ្ចឹម​គោ​សាច់​បែបនេះ​ទាំង​ទ្រង់ទ្រាយ​តូច មធ្យម អាច​ទាក់​ទង់ ទៅ​លោក តាមរយ​:​ប្រតិភូ​ប្រតិភូ​ពាណិជ្ជករ អាជីវករ វិស័យ​ឯកជន​នៃ​សហគ្រាស ធុន​តូច​និង​មធ្យម​កម្ពុជា មកពី​ខេត្ត​មួយចំនួន​តាម​កម្មវិធី “​ការតភ្ជាប់​និង​ផ្គូផ្គង​ច​ចារ ដៃគូ​ពាណិជ្ជកម្ម សហគ្រាស​ខ្នាតតូច​និង​មធ្យម​ឆ្នាំ​២០២២ ” (Business B2B SMEs Thailand -Cambodia ) ថ្ងៃទី​៣០​ខែមិថុនា​ដល់​ថ្ងៃទី ០២​ខែកក្កដា​ឆ្នាំ ២០២២ កន្លងមកនេះ )​ដើម្បី​ចូលទៅ​កសិដ្ឋាន​និង​ការិយាល័យ​ធ្វើការ​របស់លោក​។​

​កញ្ញា នុង​យ៉ៅ ស៊ី​ចាន់ថា​មី​ត ប្រធាន​មន្ទីរ​ពាណិជ្ជកម្ម​ខេត្ត​ស្រះកែវ និង​លោក​ដុំ វណ្ណឌី អនុប្រធាន​មន្ទីរ​ពាណិជ្ជកម្ម​ខេត្តបន្ទាយមានជ័យ​គាំទ្រ និង​ជម្រុញ​លើក ទឺ​ក​ចិត្ត​អោយ​កសិករ អាជីវករ សហគ្រិន​កម្ពុជា និង ថៃ​ទាក់​ទង់ សហប្រតិបត្តិការ​គ្នា លើ​ការងារ​ផលិតកម្ម ជំនួញ ពាណិជ្ជកម្ម​លើ​ច្រើន​វិស័យ​ក្នុង​បរិបទ​ស្តារ​ជីវភាព និង​សេដ្ឋកិច្ច​ឡើងវិញ​ក្រោយ​វិ​ប​ត្ត​សាកល​នៃ​ការរីក​រាលដាល​ជម្ងឺ​កូ​វីដ​១៩ នេះ​។​

​ដោយឡែក លោក នេ​ត សេរី អគ្គ​កុងស៊ុល​កម្ពុជា​ប្រចាំខេត្ត​ស្រះកែវ​ក៏​បង្ហាញ ពី​លទ្ធភាព​ដែល​ស្ថាន​កុងស៊ុល​និង​អាជ្ញា​ធរមាន​សមត្ថកិច្ច​អាចជួយ​សម្របសម្រួល​ដើម្បីអោយ​ពលរដ្ឋ​និង​មន្ត្រី​ភាគី​កម្ពុជា ថៃ​អាច​ទំនាក់ទំនង សហប្រតិបត្តិការ​គ្នា លើ​វិស័យសេដ្ឋកិច្ច ពាណិជ្ជកម្ម ក៏​ដូច​វិស័យ​ផ្សេងទៀត​ក្នុងនាម​ប្រទេស​ភូមិ​ផង​របង ជាមួយគ្នា​ល្អ​៕​/PC