​ប្រែ​សម្រួលៈ​បំណង​(​ញូវយ៉ក​ថែមស៍​,​ស្ត្រេត​ថែមស៍​)៖ ពួកចោរ​នៅ​រដ្ឋ​កាលីហ្វ័រ​ញ៉ា​ខាងត្បូង​បាន​លួច​ត្បូង​និង​គ្រឿងអលង្ការ​ចេញពី​រថយន្ត​ពាសដែក​មួយ​កាលពី​សប្តាហ៍​មុន តែទើបត្រូវបញ្ចេញអោយដឹងនៅថ្ងៃអង្គារទី១៩កក្កដានេះ​។​

​ប្រ៊ែន​ឌី ស្វាន​សុន​(Brandy Swanson) នាយក​ម្នាក់​នៅ​កន្លែង​តាំងពិព័រណ៍​ត្បូង​មាន​តំលៃ​និង​គ្រឿងអលង្ការ​នៅ​ក្រុង​សាន់ ម៉ាតេ​អូ​(San Mateo)​នៅ​កាលីហ្វ័រ​ញ៉ា​ខាងត្បូង របស់​សហរដ្ឋ​អាម៉េរិក​​បាន​និយាយថា ទ្រព្យ​ដែល​លួច​យក​ទៅ​មាន​តំលៃ​ជាង​១០០​លាន​ដុល្លារ​។​

​ដា​ណា កាល់​ឡា​ហាន​(Dana Callahan)​អ្នកនាំពាក្យ​សន្តិសុខ​នៃ​ក្រុមហ៊ុន​រថយន្ត​ធានា​ដឹកជញ្ជូន​ប្រ៊ីង​(Brink)​បាន​អះអាង​ថា​គ្រឿង​ត្បូង​និង​អលង្ការ​ត្រូវបាន​បញ្ជូន​ចូល​រថយន្ត​របស់​ក្រុមហ៊ុន​​ខ្លួន​ក្រោយ​ការ​តាំងពិព័រណ៍​កាលពី​ថ្ងៃ​១០​កក្កដា​និង​ថា​វា​ត្រូវ​បាន​ប្លន់​យក​ក្នុងពេល​ដឹកជញ្ជូន​តាម​ផ្លូវ​ទៅ​កាន់​ទីក្រុង​សាន់ ម៉ាតេ​អូ​ក្បែរ​ទីក្រុ​ងឡូស អ៊ែន​ជើ​ឡេស​។​

​គ្រឿងអលង្ការ​មាស​ត្រូវ​បាន​តាំង​បង្ហាញ​នៅ​បញ្ជ​កញ្ចក់​ក្នុង​ហាង​មួយ​នៅ​ក្រុង​ញូវយ៉ក កាលពី​ខែ​មីនា ឆ្នាំ​២០២២

​រថយន្ត​ពាស​ដែលរ​បស់​ក្រុមហ៊ុន​សន្តិសុខ Brinks​នៅលើ​ផ្លូវ​មួយ​ក្នុង​រដ្ឋ​កាលីហ្វ័​រញ៉ា​។ កាលពី​ថ្ងៃ​១១​កក្កដា ចោរ​បាន​ប្លន់​យក​ត្បូង​និង​មាស​តំលៃ​ជាង​១០០​លាន​ដុល្លារ​ពី​រថយន្ត​ប្រភេទ​នេះ​

​លោក ប្រ៊ែន​ឌី ស្វាន​សុន បាន​និយាយថា​ត្បូង​និង​គ្រឿងអលង្ការ​២៥​ទៅ​៣០​បាវ​ត្រូវបាន​លួច​ប្លន់​ចេញពី​រថយន្ត និង​ជនរងគ្រោះ​១៨​នាក់​បាន​រាយការណ៍​អំពី​ការបាត់បង់​ទ្រព្យ​សន្ធឹកសន្ធាប់​ក្រោយ​ការ​ប្លន់​​នេះ​។​

​ក្នុង​របាយការណ៍​ផ្ញើ​ទៅកាន់​អាជ្ញាធរ ជនរងគ្រោះ​ពី​ចោរកម្ម​នេះ​បាន​វាយ​តំលៃ​ស្មានថា របស់​ដែល​ចោរ​យក​ទៅ​មាន​តំលៃ​១០០​ទៅ​១៥០​លាន​ដុល្លារ​។​

​តែ​នៅក្នុង​សេចក្តីថ្លែងការណ៍​មួយ ក្រុមហ៊ុន​Brink​បាន​និយាយថា​«​យោង​តាម​ព័ត៌មាន​ផ្តល់​ដោយ​អតិថិជន​នៅ​មុន​ទំនិញ​ត្រូវ​ដឹក​ចេញ​វត្ថុ​ដែល​បាត់បង់​មាន​តំលៃ​ជាង​១០​លាន​ដុល្លារ​ប៉ុណ្ណោះ​។​យើង​​កំពុង​ធ្វើការ​ជាមួយ​ផ្នែក​អនុវត្ត​ច្បាប់ ហើយ​យើង​នឹង​សង​អតិថិជន​គ្រប់​ចំនួន​ទ្រព្យ​ដែល​បាត់បង់​ទៅ ស្រប​តាម​លក្ខខណ្ឌ​នៃ​កិច្ចសន្យា​»​។​

​អ្នកនាំពាក្យ​FBI​បាន​និយាយថា ការ​ប្លន់​នេះ​បាន​កើតឡើង​នៅ​ទីក្រុង​វាល​ខ្សាច់​លែ​នខា​ស្ទឺ​(Lancaster)​នៅ​ពេល​រថយន្ត​ធ្វើ​ដំណើរ​ឆ្ពោះទៅ​កាន់​ទីក្រុង​សាន់ ម៉ាតេ​អូ ដើម្បី​នាំ​ទំនិញ​ទៅ​តាំង​នៅ​ពិធី​​មួយ​៕