ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ ក្រុម​កាំភ្លើង​ធំ Arsenal បាន​យល់ព្រម​លើ​កិច្ចព្រមព្រៀង​តម្លៃ ៣០ លាន​ផោន​ជាមួយ Manchester City​ដើម្បី​ចុះហត្ថលេខា​ទិញ​ខ្សែការពារ​អូ​ឡេកសាន់​ដ្រ៍​ ហ្ស៊ី​ន​ឆិ​ន​កូ (Oleksandr Zinchenko) ដែល​រួម​បញ្ចូល​ទាំង​ប្រាក់​បន្ថែមចំនួន ២ លាន​ផោន​។​

​ខ្សែ​បម្រើ ដែល​លេង​ជា​ខ្សែការពារ​ឆ្វេង​ភាគច្រើន​សម្រាប់​ក្រុម​មេឃ​ខៀវ បច្ចុប្បន្ន​កំពុង​ធ្វើដំណើ​រ​ប្រកួត​មិត្តភាព​មុន​បើក​រដូវ​កាល​នៅ​សហរដ្ឋ​អាម៉េរិក​ជាមួយ​ក្រុម​ជើងឯក Premier League ។​

​កីឡាករ​អន្តរជាតិ​អ៊ុយ​ក្រែន​អាយុ ២៥ ឆ្នាំ​រូប​នេះ​ត្រូវ​គេ​រំពឹងថា​នឹង​ហោះ​ត្រឡប់​ទៅ​អង់គ្លេស​វិញ​ក្នុង​រយៈពេល​ប៉ុន្មាន​ថ្ងៃ​ខាងមុខនេះ​ដើម្បី​បំពេញ​បញ្ចប់​ការផ្ទេរ​នេះ​។​

​ហ្ស៊ី​ន​ឆិ​ន​កូ​គឺ​ជាកីឡាករ​ទិញ​ដំបូង​គេ​របស់លោក ប៉េប ហ្គាឌី​អូ​ឡា (Pep Guardiola) ក្នុងនាម​ជា​គ្រូបង្វឹក​របស់ City ក្នុង​ឆ្នាំ ២០១៦​។​

​រូបគេ​បាន​ឈ្នះ​ពាន​លី​ក​ចំនួន​បួន FA Cup ចំនួន​មួយ និង League Cup ចំនួន​បួន ដោយ​បង្ហាញ​ខ្លួន​បាន ១២៨ ដង​ក្នុង​គ្រប់​ការប្រកួត​ទាំងអស់​។​

​ហ្ស៊ី​ន​ឆិ​ន​កូនឹង​ក្លាយ​ជា​កីឡាក​រទី​ពីរ​ដែល​ផ្ទេរ​ពី City ទៅ​កីឡដ្ឋាន Emirates នៅ​រដូវ​ក្ដៅ​នេះ បន្ទាប់​ពី​ខ្សែប្រ​យុទ្ធហ្គា​ព្រី​អែល យ៉េ​ស៊ូស (Gabriel Jesus) បាន​ផ្ទេរ​ក្នុងតម្លៃ ៤៥ លាន​ផោន​កាលពីដើម​ខែ​នេះ​៕

​ហ្ស៊ី​ន​ឆិ​នកូចូលរួម​ជាមួយ Arsenal ក្នុងតម្លៃ​ផ្ទេរ ៣០ លាន​ផោន​