ដោយៈដេប៉ូ/ព្រះសីហនុ​៖លោក សាយ សំ​អាល់ រដ្ឋមន្ត្រីក្រសួង​បរិស្ថាន​និង​ជា​ប្រធាន​ក្រុមការងារ​រាជរដ្ឋាភិបាល ចុះ​មូលដ្ឋាន​ខេត្ត​ព្រះសីហនុ បាន​នាំយក​ទៀនវស្សា និង​ទេយ្យទាន​ប្រគេន​ដល់​ព្រះសង្ឃ​ចំនួន​៤០​វត្ត នៅ​ទូទាំង​ខេត្ត​ព្រះសីហនុ​។

​ពិធី​ប្រគេន​ទៀនវស្សា និង​ទេយ្យទាន​នេះ បានធ្វើ​ឡើង​នៅ​មជ្ឈមណ្ឌល​វិបស្សនាធុរៈ​គី​រី​នាគ​វ័ន ហៅ វត្តភ្នំ​សមាធិ ស្ថិតនៅ​ឃុំ​រាម ស្រុក​ព្រៃនប់ ខេត្ត​ព្រះសីហនុ​នា​ព្រឹក​ថ្ងៃទី​១៩​ខែកក្កដា​ឆ្នាំ​២០២២​ដោយមាន​ការអញ្ជើញ ចូលរួម​ពី​លោក តឹក​រ៉េត សំរេច រដ្ឋមន្ត្រី​ប្រតិភូ​អម​នាយករដ្ឋមន្ត្រីលោក គួច ចំរើន​អភិបាល​នៃ​គណៈ អភិបាលខេត្ត​ព្រះសីហនុ ព្រមទាំង​ឯកឧត្តម លោកជំទាវ លោក លោកស្រី ជា​ក្រុមការងារ​មន្ទី​អង្គភាព​ជុំវិញ ខេត្ត ថ្នាក់ដឹកនាំ និង​មន្ត្រីរាជការ ក្រសួងបរិស្ថាន ព្រះ​មន្ត្រី​សង្ឃ ព្រះចៅអធិការ​លោក​អាចារ្យ​តាម​បណ្តា​វត្ត ផ្សេងៗ​នៃ​ខេត្ត​ព្រះសីហនុ ជាច្រើន​អង្គ​និង​នាក់​។​

​គួរបញ្ជាក់​ឱ្យដឹងថា ក្នុង​មួយ​វត្ត​ទទួលបាន​ទៀន​ព្រះវស្សា​ចំនួន​១​គូរ គ្រឿងឧបភោគ​-​បរិភោគ និង​បច្ច័យ​ចំនួន ១​លាន​រៀល​៕​សរន

លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន ខេត្ត​ព្រះសីហនុ​នាំយក​ទៀនវស្សា និង​ទេយ្យទាន​ប្រគេន​ដល់​ព្រះសង្ឃ​ចំនួន​៤០​វត្ត​នៅ​ទូទាំង​ខេត្ត​ព្រះសីហនុ​(រូបថតក្រុមការងារក្រសួងបរិស្ថាន)