​ដោយៈ ជា សីហៈ​/​ភ្នំពេញៈ នា​ថ្ងៃទី​២០ ខែកក្កដា ឆ្នាំ​២០២២ នៅ​ទីបញ្ជាការ​ស៊ីម៉ាក់​ភ្នំពេញ មន្ត្រី​ជំនាញ​សកម្មភាព​មីន​អង្គការ​HI​ប្រចាំ​ប្រទេស​មី​យ៉ាន់​ម៉ា​បានមក​សិក្សា​ស្វែងយល់​និង​ដក​បទពិសោធន៍​ពី អ្នកជំនាញការ​កម្ពុជា ។

​លោក​ហេង រតនា អគ្គនាយក​ស៊ីម៉ាក បាន​អះអាងថា លោក​បានទទួល​ជួប​និង​ពិភាក្សា​ការងារ​ជាមួយ​ពួកគេ ខណៈដែល​ពួកគេ​បានមក​ហ្វឹកហ្វឺន​សកម្មភាព​កំចាត់មីន​នៅ​កម្ពុជា​។

​សូម​ជម្រាបជូន​ថា ដោយ​ពិនិត្យឃើញថា បញ្ហា​គ្រាប់មីន និង​សំណល់​យុទ្ធភណ្ឌ​សង្គ្រាម​នៅ​ប្រទេស​មី​យ៉ាន់​ម៉ា​កំពុងតែ​មានការ​គម្រាម​កំហែង​ដល់​សុខ​សុវត្ថិភាព​ប្រជាជន​មី​យ៉ាន់​ម៉ា​យ៉ាង​ធ្ង​រ​ធ្ងន់ និង​ដោយ​ដឹង​ច្បាស់​ថា​អង្គភាព​ស៊ីម៉ាក មានបទពិសោធន៍​ច្រើន​ក្នុងការ​ហ្វឹកហ្វឺន​ចែករំលែក​បទពិសោធន៍​សកម្មភាព​មីន​ជាមួយ​ប្រទេស​នានា​ក្នុង​ពិភពលោក​នោះ អង្គការ​HI​បាន ស្នើសុំ​អង្គភាព​ស៊ីម៉ាក​ផ្ដល់​ការហ្វឹកហ្វឺន​ជំនាញ​“​ការស្រាវជ្រាវ មិន​បច្ចេកទេស (Non-Technical Survey)”​ជូន​មន្ដ្រី​ជំនាញ​សកម្មភាព កំចាត់មីន​របស់ខ្លួន ដែលជា​ជនជាតិ​មី​យ៉ាន់​ម៉ា ដើម្បី​ពង្រឹងសមត្ថភាព បន្ថែម​លើ​ជំនាញ ស្រាវជ្រាវ មិន​បច្ចេកទេស​នេះ គាំទ្រ​ដល់​សកម្មភាព​កំចាត់មីន នៅ​ប្រទេស​មី​យ៉ាន់​ម៉ា​ឲ្យ​កាន់​តែមាន​ប្រសិទ្ធភាព​ខ្ពស់​ថែមទៀត​៕​