​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ កាលពី​ថ្ងៃ​ពុធ​ទី​២០​កក្កដា អគ្គនាយក​អង្គការ​សុខភាព​ពិភពលោក (WHO) លោកតេ​ត្រូស អា​ដា​ណុ​ម ហ្គេ​ប្រេ​យ៉េ​ស៊ូស បានបញ្ជាក់​ករណី​ជំងឺ​អុត​ស្វា​ចំនួន ១៤.០០០ ករណី​នៅ​ទូទាំង​ពិភពលោក ជាមួយ​ការស្លាប់​ចំនួន​៥​នាក់​ត្រូវបាន​រាយការណ៍​នៅក្នុង​ទ្វីបអាហ្វ្រិក​។​

WHO បាន​និយាយថា ករណី​ភាគច្រើន​ដែល​ត្រូវបាន​រាយការណ៍​មកទល់ពេលនេះ ត្រូវបាន​រកឃើញ​នៅក្នុង​ទ្វីបអឺរ៉ុប ជាពិសេស​ក្នុងចំណោម​បុរស​ដែល​រួមភេទ​ជាមួយ​បុរស​ទោះបីជា​ការស្លាប់​ទាំងអស់​បាន​​កើត​ឡើង​នៅក្នុង​ទ្វីប​អាហ្វ្រិក ដែល​ជា​តំបន់​រកឃើញ​អ៊ុត​ស្វា​ជា​ប្រវត្តិសាស្ត្រ​ក៏ដោយ​។​

​នៅ​ថ្ងៃ​ព្រហស្បតិ៍​នេះ WHO នឹង​កោះ​ប្រជុំ​លើក​ទី​ពីរ​នៃ​គណៈកម្មាធិការ​មួយ ដែល​នឹង​សម្រេច​ថា​តើ​ការផ្ទុះ​អុត​ស្វា​បច្ចុប្បន្ន​ជា​គ្រាអាសន្ន​សុខភាព​សាធារណៈ​គួរឱ្យ​ព្រួយបារម្ភ​ជា​អន្តរជាតិ (PHEIC) ​ឬ​យ៉ាងណា ដែល​នេះ​ជា​កម្រិត​នៃ​ការប្រកាសអាសន្ន​ខ្ពស់​បំផុត​របស់​ខ្លួន​។​

​លោក​ហ្គេ​ប្រេ​យ៉េ​ស៊ូ​សបាន​និយាយថា “​ដោយ​មិន​គិតពី​អនុសាសន៍​របស់​គណៈកម្មាធិកា​រ WHO​នឹង​បន្ត​ធ្វើ​អ្វី​គ្រប់​យ៉ាង​ដែល​យើង​អាច​ធ្វើបាន​ដើម្បី​គាំទ្រ​ប្រទេស​នានា​ឱ្យ​បញ្ឈប់​ការឆ្លង​និង​ជួយសង្គ្រោះ​​ជីវិត​”៕

​ជំងឺ​អ៊ុត​ស្វា​ឆ្លង​ដល់​មនុស្ស ១៤.០០០ នាក់​នៅ​ទូទាំង​ពិភពលោក​