​ដោយៈ ពៅ​និមល / ភ្នំពេញ​៖ គិត​ចាប់ពី​ថ្ងៃទី​២១ ដល់ ៣១ ខែកក្កដា ឆ្នាំ​២០២២ ការកំណត់ថ្លៃ​លក់រាយ​ប្រេងសាំង​ធម្មតា បាន​ធ្លាក់​ថ្លៃ​បន្តទៀត ពី ៥.២៥០ រៀល មក​ត្រឹម ៤.៨០០ រៀល ក្នុង​១​លីត្រ​។ រីឯ​ប្រេងម៉ាស៊ូត ពី​តម្លៃ ៥.៦០០ រៀល មក​ត្រឹម ៥.៣០០ រៀល ក្នុង​១​លីត្រ​។​

​យោងតាម​សេចក្តីជូនដំណឹង ស្តីពី​ថ្លៃ​លក់រាយ​ប្រេងឥន្ធនៈ នៅតាម​ស្ថានីយ​របស់ ក្រសួងពាណិជ្ជកម្ម ដែល​រស្មី​កម្ពុជា ទទួលបាន​នៅ​រសៀល​ថ្ងៃនេះ បាន​ឲ្យ​ដឹងថាៈ ផ្អែក​តាម​តម្លៃ​មធ្យម ប្រេងឥន្ធនៈ លើ​ទីផ្សារ​អន្តរជាតិ ថ្លៃ​លក់រាយ​ប្រេងឥន្ធនៈ ក្នុង​រយៈពេល ១០ ថ្ងៃ​បន្ទាប់​នេះ នឹងត្រូវ​លក់ ៥.០៦៦ រៀល ក្នុង​១​លីត្រ សម្រាប់​ប្រេងសាំង​ធម្មតា EA92 និង ៥.៥៦៦ រៀល ក្នុង​១​លីត្រ សម្រាប់​ប្រេងម៉ាស៊ូត​។

​សូមបញ្ជាក់ថា ដើម្បី​ជួយ​សម្រួល​ដល់ ជីវភាព​របស់​ប្រជាជន និង​ដោយមាន​ការរួមចំណែក ពី​ក្រុមហ៊ុន​ចែកចាយ​ប្រេងឥន្ធនៈ​នៅ​កម្ពុជា សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា នៅតែ​បន្ត និង​សម្រេច​បញ្ចុះតម្លៃ​លក់រាយ​ប្រេងឥន្ធនៈ​នៅ​កម្ពុជា​ដដែល គឺ​ចំនួន ៦,៥ សេន​ដុល្លារ ក្នុង​១​លីត្រ​៕/V​