​ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ ក្រុមហ៊ុន​បច្ចេកវិជ្ជា​យក្ស​ចិន Baidu បានបង្ហាញ​រថយន្ត​ថ្មី​របស់​ខ្លួន​ដើម្បី​ចូលរួម​ជាមួយ​សេវាកម្ម​តាក់ស៊ី​បើកបរ​ដោយ​ខ្លួនឯង Apollo Go ។​

​ក្រុមហ៊ុន​និយាយថា រថយន្ត​ម៉ូ​ដែល​ថ្មី​របស់​ខ្លួន Apollo RT6 មាន​ជំនាញ​លើ​ដងផ្លូវ​របស់​អ្នកបើកបរ​បទពិសោធ​ន៍ ២០ ឆ្នាំ​។​ក្រោម​បទ​ប្បញ្ញត្តិ​របស់​ចិន រថយន្ត​ស្វយ័ត​បច្ចុប្បន្ន​នៅតែ​ត្រូវការ​វត្ត​​មាន​អ្នកបើកបរ​សុវត្ថិភាព​ម្នាក់​។​

​ប៉ុន្តែ Baidu និយាយថា ថ្ងៃ​ណាមួយ​ដៃចង្កូត​ដែល​អាច​ដោះ​ចេញ​បានរ​បស់ RT6 អាច​នឹង​ត្រូវ​ជំនួស​ដោយ​កៅអី​បន្ថែម ម៉ាស៊ីន​លក់​ភេសជ្ជៈ តុ ឬ ក្បាល​ហ្គេម​។​

Baidu បាន​និយាយថា រថយន្ត Apollo RT6 នី​មួយៗ​នឹង​មាន​តម្លៃ ២៥០.០០០ យ័ន (៣៦.៩៥៩ ដុល្លារ​) ថោក​ជាង​ម៉ូ​ដែល​មុនៗ​បន្តិចបន្តួច​។​

​សហ​ស្ថាបនិក​និង​ជា​នាយក​ប្រតិបត្តិ​លោក រ៉ូ​ប៊ីន លី (Robin Li)​បាន​ប្រាប់​សន្និសីទ​បច្ចេកវិជ្ជា​ប្រចាំឆ្នាំ​របស់​ក្រុមហ៊ុន​ថា​”​ការកាត់បន្ថយ​ការចំណាយ​ដ៏​ធំ​នេះ​នឹង​អនុញ្ញាត​ឱ្យ​យើង​ដាក់ពង្រាយ​រថយន្ត​​ស្វ័យប្រវត្តិ​រាប់ម៉ឺន​គ្រឿង​នៅ​ទូទាំង​ប្រទេស​ចិន​។ យើង​កំពុង​ឆ្ពោះទៅ​រក​អនាគត​មួយ​ដែល​ការ​ជិះ​តាក់​ស៊ីរ៉ូបូ​តនឹងត្រូវ​ចំណាយ​តិច​ជាង​ពាក់កណ្តាល​នៃ​ការ​ជិះ​តាក់ស៊ី​សព្វថ្ងៃ​”​។​

Baidu ចង់​ឱ្យ​រថយន្ត RT6 ចូលរួម​ជាមួយ​កងរ​ថ​យន្តដែល​មានស្រាប់​របស់ខ្លួន​នៅ​ឆមាស​ទី​ពីរ​នៃ​ឆ្នាំ ២០២៣ សម្រាប់​ការសាកល្បង​ខ្នាត​តូច និង​នៅ​ទីបំផុត​គ្រោង​នឹង​មាន​រថយន្ត​នេះ ១០០.០០០ គ្រឿង​នៅ​លើ​ដងផ្លូវ​៕

រថយន្ត RT6 នឹង​មាន​តម្លៃ ៣៦.៩៥៩ ដុល្លារ​ក្នុង​មួយគ្រឿង​