ប្រែ​សម្រួលៈ​បំណង​(​ដេល្លី​ម៉េល​)៖ ចំនួន​មនុស្ស​ស្លាប់​ពី​ការ​ធ្លាក់ភ្លៀង​រដូវវស្សា​និង​ជំនន់​ទឹកភ្លៀង​អស់​ពេល​ប្រាំ​សប្តាហ៍​មក​នេះ​នៅក្នុង​ប្រទេស​ប៉ា​គី​ស្ថាន​បាន​ឡើងដល់​យ៉ាងតិច​២៨២​នាក់​គិត​ត្រឹម​​ថ្ងៃ​ព្រហស្បតិ៍​ទី​២១​កក្កដា នៅ​ពេល​ភ្លៀង​បន្ត​ធ្លាក់​និង​វាយប្រហារ​ប្រទេស​ក្រីក្រ​មួយ​នេះ​នៅឡើយ​។​

​ទឹកភ្លៀង​ធ្វើអោយ​បណ្តា​ទន្លេ​បឹងបួ​មានទឹក​ឡើង​ហូរហៀរ បំផ្លាញ​ផ្លូវថ្នល់ ស្ពាន​និង​ផ្ទះ​ប្រមាណ​៥.៦០០​ចាប់តាំងពី​ថ្ងៃ​១៤​មិថុនា​មក ។​វា​ក៏​បាន​ពន្លិច​តំបន់​ជាច្រើន​នៅ​ទូទាំង​ប្រទេស​ប៉ា​គី​ស្ថាន​និង​រំខាន​​ចរាច​រណ៍​។​

​មនុស្ស​២៨២​នាក់​ភាគច្រើន​ជា​ស្ត្រី​និង​កុមារ​បាន​ស្លាប់​ក្នុង​ទឹកជំនន់​និង​ឧបទ្ទវហេតុ​ពាក់ព័ន្ធ​នឹង​ព្យុះភ្លៀង​នៅ​ប៉ា​គី​ស្ថាន​ក្នុង​រយៈពេល​ជាង​មួយ​ខែ​មកនេះ​

​ការខូចខាត​និង​ស្លាប់​ដោយ​គ្រោះ​ធម្មជាតិ​នេះ​ភាគច្រើន​នៅក្នុង​ខេត្ត​បា​លូ​ជី​ស្ថាន​(Baluchistan)​នៅ​ភាគ​និរតី​នៃ​ប្រទេស​។​ភ្លៀង​ក៏​បាន​សម្លាប់​មនុស្ស​និង​បង្ក​ការខូចខាត​នៅក្នុង​ប្រទេស​អា​ហ្វ​ហ្គា​នី់​ស្ថាន​ក្បែរ​ខាង ខេត្ត​ពុន​ចាប​(Punjab)​ភាគ​ខាងកើត​និង​ខេត្ត​ស៊ី​ង​(Sindh)​ភាគ​ខាងត្បូង​ប្រទេស​ប៉ា​គី​ស្ថាន​ផងដែរ​។​

​រាល់​ឆ្នាំ ទីក្រុង​ជា​ច្រើន​នៅ​ប៉ា​គី​ស្ថាន​តស៊ូ​ជម្នះ​នឹង​ការ​ជន់​លិច​នៅ​រដូវវស្សា ដោយ​នាំអោយ​មាន​ការរិះគន់​ថា​រដ្ឋាភិបាល​ធ្វើ​ផែនការ​គ្រប់គ្រង​ទឹកជំនន់​អន់​៕