​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ តារា​សម្តែង អាម​បឺ ហឺដ (Amber Heard)​កំពុង​ប្តឹង​ឧទ្ធរណ៍​ចំពោះ​សាលក្រម​របស់​គណៈវិនិច្ឆ័យ​ក្នុង​រឿងក្តី​បរិហារកេរ្តិ៍​តម្លៃ​រាប់​លាន​ដុល្លារ​ដែល​នាង​បាន​​ចាញ់​អតីត​ស្វាមី​របស់​នាង​ជា​តួ​សម្តែង​ក្នុង​រឿង​ចោរ​សមុទ្រ​កា​រ៉ា​អ៊ី​ប​( Pirates of the Caribbean) គឺ​តារា​សម្តែង ច​ន​នី ដេ​ប (Johnny Depp)​។​

​មេធាវី​សម្រាប់​នាង​ហឺដ​អាយុ ៣៦ ឆ្នាំ​ដែល​បាន​សម្តែង​ក្នុង​រឿង Aquaman បាន​ដាក់​បណ្តឹង​ឧទ្ធរណ៍​កាលពី​ថ្ងៃ​ព្រហស្បតិ៍​ទី​២១​កក្កដា​ទៅកាន់​តុលាការ​ឧទ្ធរណ៍​រដ្ឋ​វើជី​នៀ​។​

​អ្នកនាំពាក្យ​របស់​នាង​ហឺដ​បាន​និយាយ​ដោយ​សំដៅ​ទៅលើ​វិសោធនកម្ម​រដ្ឋធម្មនុញ្ញ​ដែល​ការពារ​សេរីភាព​នៃ​ការបញ្ចេញមតិ យ៉ាង​ដូច្នេះ​ថា​”​យើង​ជឿ​ថា​តុលាការ​បាន​បង្កើត​កំហុស​ដែល​រារាំង​សាលក្រម​​ត្រឹមត្រូវ​និង​យុត្តិធម៌​ដែល​ស្រប​តាម​វិសោធនកម្ម​ទីមួយ​”​។​

​ពួកគេ​បាន​និយាយ​នៅក្នុង​សេចក្តីថ្លែងការណ៍​មួយ​ថា “​ដូច្នេះ​យើង​កំពុង​ប្តឹង​ឧទ្ធរណ៍​ចំពោះ​សាលក្រម​នេះ​។​ខណៈ​យើង​ដឹង​ថា​ការ​ដាក់​ពាក្យបន្តឹង​នៅ​ថ្ងៃនេះ​នឹង​បញ្ឆេះ​កំហឹង​នៅលើ Twitter វា​មាន​ជំហាន​ដែល​យើង​ត្រូវធ្វើ​ដើម្បី​ធានា​ទាំង​ភាពត្រឹមត្រូវ​និង​យុត្តិធម៌​”​។​

​គណៈវិនិច្ឆ័យ​នៃ​រដ្ឋ​វើជី​នៀ​កាលពី​ខែ​មិថុនា​បាន​ផ្តល់​សំណង​ចំនួន ១០ លាន​ដុល្លារ​ដល់​លោក​ដេប បន្ទាប់ពី​បាន​រកឃើញថា​អត្ថបទ​អត្ថាធិប្បាយ​ក្នុង​កាសែត​នៅ​ឆ្នាំ ២០១៨ ដែល​សរសេរ​ដោយ​នាង​ហឺដ គឺជា​ការ​បង្ខូច​កេរ្តិ៍ឈ្មោះ​។​

​ដេ​ប អាយុ ៥៩ ឆ្នាំ​បាន​ប្តឹង​នាង​ហឺដ​ជុំវិញ​អត្ថបទ​នៅលើ​កាសែត Washington Post ដែល​នាង​មិន​បាន​បញ្ចេញ​ចំឈ្មោះ​គាត់​ទេ ប៉ុន្តែ​បាន​ពណ៌នា​ខ្លួន​នាង​ថា​ជា​”​បុគ្គល​សាធារណៈ​តំណាងឱ្យ​​ការរំលោភបំពាន​ក្នុង​គ្រួសារ​”​។​

​នាង​ហឺដ ដែល​ប្តឹង​បក​វិញ ត្រូវបាន​ផ្តល់​សំណង​ចំនួន ២ លាន​ដុល្លារ​៕

​អតីត​ប្តី​ប្រពន្ធ លោក​ដេប​និងនាង​ហឺដ ប្តឹង​គ្នា​ផ្អើល​ពិភពលោក​