​ដោយៈ វ៉ៃ​កូ​/ ស្វាយរៀង​៖ លោក ម៉ែន វិបុល អភិបាលខេត្ត​ស្វាយរៀង នៅ​ព្រឹក​ថ្ងៃទី​២២ ខែកក្កដា ឆ្នាំ​២០២២ នេះ បាន​ជំរុញ​ដល់​ថ្នាក់ដឹកនាំ​មន្ទីរ​សុខាភិបាល គ្រប់​ជាន់ថ្នាក់ ព្រមទាំង​បុគ្គលិក​សុខាភិបាល​ទាំងអស់ ត្រូវ​សហការគ្នា​ឱ្យបាន​ល្អ ក្នុងការ​បំពេញភារកិច្ច ការងារ ពាក់ព័ន្ធ​នឹង​ការផ្តល់សេវា​សុខាភិបាល​នានា ជូន​ដល់​ប្រជាពលរដ្ឋ លើ​ការព្យាបាល ជំងឺ និង​ត្រូវមាន​ក្រមសីលធម៌ ក្នុងការ​បំពេញការងា​រ ត្រូវ​បន្ត​ចូលរួម​ការអនុវត្ត​វិធានការ​បង្ការ ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩ និង​រាល់​វិធានការ​ចាំបាច់​នានា​ផ្សេងទៀត ស្របតាម​ការណែនាំ​រប​ស់ ប្រមុខ​រាជរដ្ឋាភិបាល និង​ក្រសួងសុខាភិបាល សំដៅ​ធានា​ឱ្យ បាន​នូវ​សុខុមាលភាព​សាធារណៈ និង​បញ្ចៀស​នូវ​ហានិភ័យ នៃ​ការចម្លង​មេរោគ​កូ​វីដ​-១៩ នៅតាម​សហគមន៍​។

​លោក​អភិបាលខេត្ត បាន​មានប្រសាសន៍​ដូច្នេះ នៅពេល​លោក​បាន​អញ្ជើញ​ជា​អធិបតី នៅក្នុង​ពិធី​ប្រកាស​ផ្លាស់ប្ដូរ​មុខតំណែង ប្រធាន អនុប្រធាន មន្ទីរ​សុខាភិបាល​ខេត្តស្វាយរៀង ដោយ​ក្នុងនោះ លោក គុជ ស៊ីថា ប្រកាស​ជា​ប្រធាន​មន្ទីរ​សុខាភិបាល នៃ​រដ្ឋបាល​ខេត្តស្វាយរៀង ជំនួស​លោក កែរ រដ្ឋា ដែល​ដាក់​ឲ្យ​ចូល​វត្ត​ន៍ និង​លោក ថោង អ៊ុ​សុធា ប្រកាស​ជា​អនុប្រធាន មន្ទីរ​សុខាភិបាល ខេត្តស្វាយរៀង​។

​លោក មែ​៉​ន វិបុល បាន​ថ្លែង​នូវ​ការកោតសរសើរ ចំពោះ​លោក​វេជ្ជបណ្ឌិត កែរ រដ្ឋា អតីត​ប្រធាន​មន្ទីរ​សុខាភិបាល​ខេត្ត ដែល​នាពេល​កន្លងមក បាន​ខិតខំ​យកចិត្តទុកដាក់ ធ្វើ ការងារ បម្រើសេវា​សុខាភិបាល ជូន​ប្រជាពលរដ្ឋ បានល្អ​ប្រសើរ ជាពិសេស​នៅ​កំឡុងពេល កូ​វីដ​១៩ កំពុង​រាតត្បាត នៅក្នុង​ប្រទេស​។

​លោក​អភិបាលខេត្ត បាន​មានប្រសាសន៍​ដោយ​សង្កត់ធ្ងន់ថាៈ ថ្នាក់ដឹកនាំ​មន្ទីរ​សុខាភិបាល គ្រប់​ជាន់ថ្នាក់ ព្រមទាំង​បុគ្គលិក​សុខាភិបាល​ទាំងអស់ ត្រូវ​សហការគ្នា​ឱ្យបាន​ល្អ ក្នុងការ​បំពេញភារកិច្ច​ការងារ ពាក់ព័ន្ធ​នឹង​ការផ្តល់សេវា​សុខាភិបាល​នានា ជូន​ដល់​ប្រជាពលរដ្ឋ លើ​ការព្យាបាល​ជំងឺ និង​ត្រូវមាន​ក្រមសីលធម៌ ក្នុងការ​បំពេញការងា​រ ត្រូវ​បន្ត​ចូលរួម​ការអនុវត្ត​វិធានការ​បង្ការ ទប់ស្កាត់​ការរីក​រាលដាល នៃ​ជំងឺ​កូ​វីដ​-១៩ និង​រាល់​វិធានការ​ចាំបាច់ នានា​ផ្សេងទៀត ស្របតាម​ការណែនាំ​រប​ស់ ប្រមុខ​រាជរដ្ឋាភិបាល និង​ក្រសួងសុខាភិបាល សំដៅ​ធានា​ឱ្យបាន​នូវ​សុខុមាល ភាព​សាធារណៈ និង​បញ្ចៀស​នូវ ហានិភ័យ នៃ​ការចម្លង​មេរោគ​កូ​វីដ​-១៩ នៅតាម​សហគមន៍ ។

​លោក​អភិបាលខេត្ត បានធ្វើការ​ផ្តាំផ្ញើ​ដល់​មន្ត្រី​សុខាភិបាល​ទាំងអស់ ត្រូវ​បន្ត​ការយកចិត្ត ទុកដាក់​ជំរុញ ដល់​ប្រជាពលរដ្ឋ ត្រូវ​បន្ត​ចូលរួម​ចាក់​វ៉ាក់សាំង ការពារ​ជំងឺ​កូ​វីដ​-១៩ ដូ​ស​ជំរុញ (​ដូ​ស​ទី​៣.៤.៥) ឲ្យ​បាន​គ្រប់គ្នាៗ ៕/V​