ដោយ​៖ សុវណ្ណ​កុម្ភៈ​/​ភ្នំពេញ​៖ ក្នុង​ព្រឹត្តិការណ៍ AFF U18 WOMEN’S CHAMPIONSHIP 2022 យប់​ថ្ងៃទី​២៤​កក្កដា​នេះ ក្រុមបាល់ទាត់​នារី​កម្ពុជា ត្រូវ​ជួប​ប្រកួត​ជាមួយ​ក្រុម​ម្ចាស់ផ្ទះ​ឥណ្ឌូនេស៊ី​។​

​ការប្រកួត​នឹង​ចាប់ផ្ដើម​នៅវេលា​ម៉ោង​៧​កន្លះ​យប់ នា​កីឡាដ្ឋាន GELORA SRIWIJAYA នាទី​ក្រុង​ប៉ា​ឡាំ​បាង​។ នេះ​ជាការ​ប្រកួត​លើក​ទី​២ របស់​ក្រុម​កម្ពុជា​ក្នុង​ព្រឹត្តិការណ៍​ប្រចាំ​តំបន់​អាស៊ាន​នេះ​។​

​ការប្រកួត​លើក​ទី​១ កាលពី​ថ្ងៃទី​២២​កក្កដា ក្រុម​នារី​កម្ពុជា​ចាញ់​ក្រុម​ថៃ​០​ទល់​៤ ពេលនេះ​កម្ពុជា​ត្រូវ​តតាំង​ជាមួយ​ក្រុម​ម្ចាស់ផ្ទះ ដែល​ពោរពេញ​ដោយ​អ្នកគាំទ្រ​។ ទោះបី​និន្នាការ​បាល់ទាត់​សព្វថ្ងៃ​ការលេង​ក្រៅ​ដី និង​ក្នុង​ទឹកដី​វា​ជា​បញ្ហា​ធម្មតា​ក៏ពិតមែន តែ​ការប្រកួត​លើទឹក​ដី​ដែល​គ្មាន​អ្នកគាំទ្រ និង​ម្ខាង​ទៀត​ជា​ម្ចាស់ផ្ទះ វា​តែងតែ​ប៉ះពាល​ខ្លះៗ​ដល់​អារម្មណ៍​។​

​បន្ទាប់ពី​ការប្រកួត​នេះ​ទៅ កម្ពុជា​នៅសល់​២​ប្រកួត​ទៀត គឺ​ជួប​ជាមួយ​ក្រុម​វៀតណាម​ថ្ងៃទី​២៨​កក្កដា និង​ជួប​ចុងក្រោយ​ជាមួយ​ក្រុម​សឹង្ហ​បូរី​ថ្ងៃទី​៣០​កក្កដា​។ សូម​ជូនពរ​ដល់​ក្រុម​កម្ពុជា ជួប​សំណាងល្អ​ក្នុងការ​ប្រកួត​ទី​២​នេះ​៕​