​ប្រែ​សម្រួលៈ​បំណង​(​ដេល្លី​ម៉េល​)៖ ភ្លើង​ព្រៃ​ដែល​ធ្វើដំណើរ​យ៉ាង​លឿន​មួយ​នៅ​ក្បែរ​ឧទ្យាន​ជាតិ​យ៉ូ​សេមីត​(Yosemite)​កាន់តែ​ពង្រីក​ទំហំ​កាលពី​ថ្ងៃ​សៅរ៍ និង​ក្លាយជា​ភ្លើងព្រៃ​ធំ​បំផុត​ប្រចាំ​ឆ្នាំ​នៅ​រដ្ឋ​​កាលីហ្វ័​រញ៉ា ដោយ​បណ្តាល​អោយ​មាន​ការបញ្ជា​ជម្លៀស​មនុស្ស​រាប់ពាន់​នាក់ និង​ការបិទ​ចរន្តអគ្គិសនី​ដល់​ផ្ទះ​និង​កន្លែង​រកស៊ី​ជាង​២.០០០​។​

​ភ្លើង​ឆេះ​ព្រៃ​នេះ​បាន​ចាប់ផ្តើម​កាលពី​ថ្ងៃ​សុក្រ​នៅក្នុង​ឧទ្យាន​មួយ​ក្បែរ​ទីប្រជុំជន​មី​ដ​ផា​ញ​ស៍​( Midpines)​និង​ត្រឹម​ថ្ងៃ​សៅរ៍​វា​បាន​លេប​ត្របាក់​ព្រៃ​អស់​ជិត​៣៨​គីឡូម៉ែត្រ​ការ៉េ ។​ការ​បញ្ជា​អោយ​ជម្លៀស​​មនុស្ស​ជាង​៦.០០០​នាក់​ត្រូវបាន​ធ្វើឡើង​កាលពី​ថ្ងៃ​សៅរ៍​នៅ​លើ​ទំហំ​ដី​រាប់គីឡូម៉ែត្រ​ក្នុង​តំបន់​ជនបទ​មិន​សូវ​មាន​ប្រជាជន​រស់នៅ​។​

​បុគ្គលិក​អគ្គិភ័យ​ជាង​៤០០​នាក់​កំពុង​ប្រយុទ្ធ​នឹង​ភ្លើង​ព្រៃ រួម​ជាមួយ​ឧទ្ធម្ភាគចក្រ យន្តហោះ​ទម្លាក់​ទឹក​និង​ត្រាក់ទ័រ​ឈូស​។​ពួកគេ​ប្រឈម​នឹង​លក្ខខណ្ឌ​ដ៏​អាក្រក់ រួមាន​អាកាសធាតុ​ក្តៅ ផ្សែង​និង​សំណើម​​តិច​។​ត្រឹម​ព្រឹក​ថ្ងៃ​សៅរ៍ អគ្គិភ័យ​បាន​បំផ្លាញ​សំណង់​លំនៅដ្ឋាន​និង​ពាណិជ្ជកម្ម​អស់​ដប់ និង​បង្ខំ​អោយ​បិទ​ផ្លូវ​ហាយវ៉េ​មួយ ។​

​សូ​បញ្ជាក់ថា កាលីហ្វ័​រញ៉ា​កំពុង​ជួប​ភ្លើងព្រៃ​កាន់តែ​ធំ​និង​សាហាវ​ឡើង​នៅ​ប៉ុន្មាន​ឆ្នាំ​ចុងក្រោយ​នេះ នៅ​ពេល​អាកាសធាតុ​ប្រែប្រួល​ដែល​ធ្វើអោយ​ប៉ែក​ខាងលិច​កាន់តែ​ក្តៅ​និង​ស្ងួត​ទៅ​នៅ​៣០​ឆ្នាំ​មកនេះ​។​​ពួក​អ្នកវិទ្យាសាស្ត្រ​បាន​និយាយថា អាកាសធាតុ​នឹង​បន្ត​អាក្រក់​ទៅ​រីឯ​ភ្លើង​ឆេះ​ព្រៃ​ក៏​កាន់តែ​កើតមាន​ញឹកញាប់ កាន់តែ​បំផ្លិចបំផ្លាញ​និង​មិន​អាច​ទស្សន៍ទាយ​បាន​កាន់តែ​ខ្លាំង​ឡើង​ផងដែរ​៕

​បុគ្គលិក​អគ្គិភ័យ​ជាង​៤០០​នាក់​កំពុង​ប្រយុទ្ធ​នឹង​ភ្លើង​ព្រៃ រួម​ជាមួយ​ឧទ្ធម្ភាគចក្រ យន្តហោះ​ទម្លាក់​ទឹក​និង​ត្រាក់ទ័រ​ឈូស​