​ប្រែ​សម្រួលៈ​បំណង​(ST)៖ បណ្តា​ហាង​ប្រើ​ម៉ាស៊ីនត្រជាក់​នៅក្នុង​ប្រទេស​បារាំង​នឹង​ត្រូវ​បញ្ជា​អោយ​បិទទ្វារ​បើ​មិន​ដូច្នេះ​ទេ​នឹងរង​ការពិន័យ នេះ​បើ​តាម​ការអះអាង​ពី​រដ្ឋ​មន្ត្រី​ម្នាក់ នៅ​ពេល​ប្រទេស​ចាត់វិ​​ធាន​ការប្រឆាំង​នឹង​ការ​ខ្ជះខ្ជាយ​ថាមពល​។​

​រដ្ឋមន្ត្រី​បរិស្ថាន​បារាំង​លោក​អាញេស ប៉ា​នីញ៉េ​-​រូ​ណា​ស៊ែ​រ​( Agnes Pannier-Runacher)​បាន​ប្រាប់​វិទ្យុ RMC​ថា ការបើកទ្វារ​ចំហ​ចោល​នៅ​ពេល​បើក​ម៉ាស៊ីនត្រជាក់​នាំអោយ​ស៊ី​ភ្លើង​(​ចរន្ត​)​កើនឡើង​២០​ភាគរយ …​វា​មិន​ទំនង​»​។​

​លោក​រដ្ឋមន្ត្រី​បាន​និយាយថា អាជ្ញាធរ​ក៏​មាន​ផែនការ​រឹតត្បិត​ការប្រើ​ភ្លើង​តែង​លម្អ​ផងដែរ​។​

​លោក​បាន​និយាយថា​« នៅ​ប៉ុន្មាន​ថ្ងៃ​ខាងមុខ ខ្ញុំ​នឹង​ចេញ​ច្បាប់​ពីរ មួយ​នឹង​ពង្រីក​ការប្រើ​ភ្លើង​ឃោសនា​ផ្សាយ​ពាណិជ្ជកម្ម នៅ​ចម្លោះ​ម៉ោង​១​រំលង​អធ្រាត​និង​ម៉ោង​៦​ព្រឹក លើកលែង​តែ​នៅតាម​អាកាស​​យានដ្ឋាន​និង​ស្ថានីយ ។​ទី​ពីរ ហាម​ហាង​ប្រើ​ម៉ាស៊ីនត្រជាក់​និង​ម៉ាស៊ីនកំដៅ​បើកទ្វារ​ចោល​ពេល​ប្រើ​វា​»។

​ទីក្រុង​ខ្លះ​នៅ​បារាំង​ចេញ​ច្បាប់​នៅ​ខែ​កក្កដា​នេះ ដោយ​ដាក់​ពិន័យ​ចំពោះ​ហាង​ប្រើ​ម៉ាស៊ីនត្រជាក់​ណា​ដែល​រំលោភ​

​ទីក្រុង​ខ្លះ​នៅ​បារាំង ក៏​ដូចជា​ផ្នែក​ដទៃទៀត​នៅ​អឺរ៉ុប ដែល​រង​ការវាយប្រហារ​ដោយ​រលក​កំដៅ​កាលពី​ពេល​ថ្មីៗ បាន​ចេញ​ច្បាប់​បន្ថែម​ដោយ​ដាក់​ពិន័យ​លើ​ហាង​ប្រើ​ម៉ាស៊ីនត្រជាក់​ដែល​រំលោភច្បាប់​។​រដ្ឋា​ភិ​​បាល​បារាំង​ឥឡូវ​មាន​ផែនការ​ពង្រីក​បំរាម​នេះ​នៅ​ទូទាំង​ប្រទេស ដោយ​ពិន័យ​ប្រាក់​៧៥០​អឺរ៉ូ តែ​សំរាប់​អ្នករំលោភ​ដំបូង​នឹង​ទទួល​ការអប់រំ​ច្រើនជាង​ការ​ពិន័យ​ប្រាក់​៕