​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អ្នកការទូត​កំពូល​របស់​រុស្ស៊ី​កាលពី​ថ្ងៃអាទិត្យ​ទី​២៤​កក្កដា​បាន​ធានា​ជាថ្មី​ដល់​មេដឹកនាំ​អេ​ហ្ស៊ី​បថា​ការបញ្ជា​ទិញ​រប​ស់​ពួកគេ​សម្រាប់​គ្រាប់​ធញ្ញជាតិ​រុស្ស៊ី​នឹងត្រូវ​​ឆ្លើយតប ខណៈ​គាត់​ចាប់ផ្តើម​ដំណើរ​ទស្សនកិច្ច​ទៅកាន់​បណ្តា​ប្រទេស​អាហ្វ្រិក ដែល​ពឹងផ្អែក​លើ​ការនាំ​ចូល​សម្រាប់​ការផ្គត់ផ្គង់​អាហារ​របស់​ពួកគេ​។​

​រដ្ឋមន្ត្រីការបរទេស​លោក សឺ​ហ្គេ ឡាវ​រ៉ូវ បាន​ប្រាប់​សន្និសីទ​សារព័ត៌មាន​បន្ទាប់​ពី​កិច្ច​ពិភាក្សា​ជាមួយ​សម​ភាគី​អេ​ហ្ស៊ី​បលោក សា​មេ សោ​គ្រី (Sameh Shoukry) ថា​”​យើង​បាន​បញ្ជាក់​ពី​ការប្តេជ្ញាចិត្ត​​របស់​អ្នក​នាំចេញ​ផលិតផល​ធញ្ញជាតិ​រុស្ស៊ី​ដើម្បី​បំពេញ​តាម​ការបញ្ជា​ទិញ​របស់​ពួកគេ​ពេញលេញ​”​។​

“​ប្រធានាធិបតី វ្ល៉ា​ឌី​មៀ ពូ​ទីន បាន​សង្កត់ធ្ងន់​លើ​រឿង​នេះ​ក្នុងអំឡុងពេល​ការសន្ទនា​តាម​ទូរស័ព្ទ​នាពេល​ថ្មីៗ​នេះ​ជាមួយ​ប្រធានាធិបតី​អេ​ហ្ស៊ី​ប អាប់ឌែល ហ្វាត​តា អាល់​ស៊ី​ស៊ី (Abdel Fattah al-Sisi)”​។​

​ដំណើរ​ទស្សនកិច្ច​រប​ស់លោក​ឡាវ​រ៉ូវ​ធ្វើឡើង​ភ្លាមៗ​ក្រោយពី​មាន​កិច្ចព្រមព្រៀង​ដ៏​សំខាន់​មួយ​ដែល​រុស្ស៊ី​និង​អ៊ុយ​ក្រែន​បាន​ចុះហត្ថលេខា​កាលពី​ថ្ងៃ​សុក្រ​ជាមួយ​អង្គការ​សហប្រជាជាតិ​និង​តួ​ក​គី​ក្នុង​គោល​​បំណង​បន្ធូរបន្ថយ​វិបត្តិ​ស្បៀងអាហារ​ពិភពលោក ដែល​បណ្តាល​មក​ពី​ការបិទ​ការដឹកជញ្ជូន​គ្រាប់​ធញ្ញជាតិ​តាម​សមុទ្រ​ខ្មៅ​។​

​គ្រាប់​ធញ្ញជាតិ​ចន្លោះ​ពី ២០ លាន​ទៅ ២៥ លាន​តោន​ត្រូវបាន​រាំងស្ទះ​នៅក្នុង​កំពង់ផែ​អ៊ុយ​ក្រែន​ចាប់តាំងពី​កងទ័ព​រុ​ស្ស៊ី​បាន​លុកលុយ​កាលពី​ខែ​កុម្ភៈ​ខណៈ​អ៊ុយ​ក្រែន​បាន​ដាក់ពង្រាយ​មីន​លើសមុទ្រ​​ដើម្បី​ទប់ស្កាត់​ការ​លុកលុយ​តាម​ឆ្នេរ​របស់ខ្លួន​៕

​លោក​ឡាវ​រ៉ូវ ជួប​រដ្ឋមន្ត្រីការបរទេស​អេ​ហ្ស៊ី​បលោក សា​មេ សោ​គ្រី កាលពី​ថ្ងៃអាទិត្យ​