​ប្រែ​សម្រួល : កញ្ញា​ដា​លី​ស (BBC) ៖ ប្រធាន​គណៈកម្មាធិការ​ស៊ើបអង្កេត​របស់​រុស្ស៊ី​បាន​និយាយ​កាលពី​ថ្ងៃអាទិត្យ​ទី​២៤​កក្កដា​ថា​ទីក្រុង​មូ​ស្គូ​បានចោទប្រកាន់​សមាជិ​កកងកម្លាំងប្រដាប់អាវុ​ធ​​អ៊ុយ​ក្រែន​ចំនួន ៩២ នាក់​ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ​។​

​លោក អា​ឡិច​សាន់​ឌឺ បា​ស្ទ្រី​គីន (Alexander Bastrykin) បាន​ប្រាប់​វេបសាយព័​ត៌​មាន​រដ្ឋាភិបា​ល Rossiiskaya Gazeta ថា ការស៊ើបអង្កេត​ឧក្រិដ្ឋកម្ម​ជាង ១.៣០០ ត្រូវបាន​ចាប់ផ្តើម​។​

​លោក​ក៏​បាន​ស្នើ​ឱ្យមាន​សាលាក្តី​អន្តរជាតិ​ដែល​គាំទ្រ​ដោយ​ប្រទេស​នានា រួម​មាន​បូ​លី​វី អ៊ីរ៉ង់ និង​ស៊ី​រី ផងដែរ​។​

​លោក​បាន​បន្តថា មនុស្ស​ចំនួន ៩៦ នាក់ ក្នុងនោះ​មាន​មេបញ្ជាការ​កងកម្លាំងប្រដាប់អាវុធ​ចំនួន ៥១ នាក់ ត្រូវ​បាន​តាម​ចាប់ខ្លួន​។​ជនជាតិ​អ៊ុយ​ក្រែន​ខាងលើ​បាន​ជាប់ពាក់ព័​ន្ធ​នឹង​ឧក្រិដ្ឋកម្ម​ប្រឆាំង​នឹង​សន្តិភាព​និង​សន្តិសុខ​នៃ​មនុស្សជាតិ​។​

​សារព័ត៌មាន​BBC មិន​អាច​ផ្ទៀងផ្ទាត់​ការអះអាង​ដែល​បាន​ធ្វើ​ក្នុង​បទសម្ភាសន៍​នេះ​នោះ​ទេ ហើយ​ទីក្រុង​គៀវ​ក៏​មិនបាន​ធ្វើ​អត្ថាធិប្បាយ​អ្វី​នោះ​ដែរ​៕

​លោក អា​ឡិច​សាន់​ឌឺ បា​ស្ទ្រី​គីន ជា​ប្រធាន​គណៈកម្មាធិការ​ស៊ើបអង្កេត​របស់​រុស្ស៊ី​