ដោយ​៖ រ៉ា​ម៉ន / ភ្នំពេញ​៖ នៅ​ព្រឹក​ថ្ងៃទី​២៥ ខែកក្កដា ឆ្នាំ​២០២២ អនុសាខា​កាកបាទក្រហម កម្ពុជា​ខណ្ឌចំការមន ដឹកនាំ​ដោយ​លោក ថេ​ង សុ​ថុល អភិបាលខណ្ឌ និង​ជា​ប្រធាន អនុសាខា​កាកបាទក្រហមកម្ពុជា​ខ​ណ្ឌ​ចំការមន និង​លោក ព្រុំ សំខាន់ ប្រធានកិត្តិយស អនុសាខា បាន​អញ្ជើញ​ចូលរួម​ទទួល​ទេយ្យទាន ពី​ព្រះ​វិន័យ​វង្សា ស៊ា ប៊ុន​ណាត ព្រះចៅអធិការ​វត្ត ព្រះសង្ឃ អាចារ្យ គណៈកម្មការ​វត្ត និង​ពុទ្ធបរិស័ទ ចំណុះជើងវត្ត​មណី រតនា​រាម (​ហៅ​វត្ត​ទួល​ទំពូង​) ជូន​មក​អនុសាខា​កាកបាទក្រហមកម្ពុជា​ខ​ណ្ឌ សម្រាប់​ជួយ​ដល់ ពលរដ្ឋ​រងគ្រោះ និង​ងាយ​រងគ្រោះ ដោយសារ​គ្រោះមហន្តរាយ​ផ្សេងៗ​។​

​ទេយ្យទាន​ដែល​ទទួលបាន រួមមានៈ -​អង្ករ​ចំនួន ២៥​បាវ -​មី​ចំនួន ៥០​កេស -​ភេសជ្ជៈ​ចំនួន ២៥​កេស -​ទឹកស៊ីអ៊ីវ​ចំនួន ៥០​យួរ -​ថវិកា​ចំនួន ១.០០០.០០០ រៀល ដែល​គិត​សរុប​ជា​ថវិកា ចំនួន ៦.៣៧៥.០០០ រៀល ដើម្បី​បម្រើ​សកម្មភាព​មនុស្សធម៌ ដល់​ប្រជាពលរដ្ឋ ដែល​ជួប​ការលំបាក និង​គ្រោះមហន្តរាយ​ផ្សេងៗ ៕/V