​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​រនិងរនាំង​

​គុណសព្ទ​

​ដែល​ខ្លាំង​, រឹងប៉ឹង​; រឹងរូស​ច្រងេងច្រងាង​
​ក្មេង​រនិងរនាំង​, មនុស្ស​រនិងរនាំង​, ចិត្ត​រនិងរនាំង ។​

ស្រទាង​

​កិរិយាវិសេសន៍​

​ដែល​ត្រដាង​ចង្គ្រាង​, ​ច្រងាង​
​ផ្ងារស្រទាង​, ​លាតដៃ​ស្រទាង ។​

​ឡើង​

​កិរិយាសព្ទ​

​ទៅខាង​លើ​, ទៅ​ពីក្រោម​ទៅលើ ( ទីទៃ​ពី​ចុះ )
​ឡើងជណ្ដើរ ។​
​ឡើងគណ ( –​គន់ ) ឡើងគណៈ គឺ​ចូលទៅរ​កលោក​ជា​កំណាន់ខែត្រ​សាកសួរ​ធម៌​វិន័យ​( ចំពោះតែ​បព្វជិត​ក្នុង​កម្ពុជរដ្ឋ​សម័យ​ពី​ដើម ) ។​
​ឡើងចាង ឬ ឡើងចិត្ត​ឡើងចាង បានចិត្ត​ទ្រើសឃ្នង​, ទ្រនង់​មិនសូវ​កោតក្រែង​, មិនសូវ​ស្ដាប់បង្គាប់​
​ថ្នមកូន​ហួសពេក ទាល់តែ​ឡើងចាង​អស់​; វា​ឡើងចិត្ត​ឡើងចាង​ច្រងេងច្រងាង​អស់​ទៅហើយ ឥត​ស្ដាប់បង្គាប់​ទេ ! ; មាតាបិតា មិន​ស្ដី​មិន​ថា មិន​គិត​រាក់​ជ្រៅ បណ្ដោយ​ឲ្យ​កូន រហូតដល់​ចៅ ឡើងចាង​ឃោរឃៅ ប្រដៅ​អស់កើត ។​
​ឡើងចិត្ត ឬ ឡើងទឹកចិត្ត បានចិត្ត ។ ឡើងជន្លង់ លតាជាតិ​ផ្សេងៗ​ដែល​វារ​តោង​ជន្លង់​
​ម្លូ​ជា​ដំណាំ​ឡើងជន្លង់ ។​
​ឡើងជា ទៅជា ។​
​ឡើងជោរ​, ឡើងជំនោរ ឬ ឡើងបញ្ជោរ រីករាយ​ព្រោះ​គេ​បញ្ជោរ ។​
​ឡើងឈរ ក្រោកឈរ ( ព​. សា​. ) ។​
​ឡើងដៃ មាន​សេចក្ដីចម្រើន​, មាន​ស្រីសួស្ដី​, មាន​លាភ​, មានយស . . . ។​
​ឡើងឋានសួគ៌ ឬ ឡើង​សួគ៌ បាន​ទៅ​កើត​ឯ​ឋានសួគ៌​; ទៅកាន់​ឋានសួគ៌ ។​
​ឡើងទឹកមុខ ចេញ​ទឹកមុខ​
​ឡើងទឹកមុខ​ស្រស់បំព្រង ។​
​ឡើងទ្រើង លតាជាតិ​ផ្សេងៗ​ដែល​វារ​តោង​ទ្រើង​
​ដំណាំ​ឡើងទ្រើង ។​
​ស្ទុះ​ខ្ពស់​ទៅលើ​
​ខ្លែង​ឡើង ។​
​ឡើងបាយ ចេញ​ពក​ស​ត្រង់​ប្រ​ស្រី​មាន​សណ្ឋាន​ស្រដៀង​នឹង​គ្រាប់​បាយ​
​ភ្នែក​ឡើងបាយ ។​
​ឡើងបាយស្រា ដែល​រលួយ​កខ្វក់​មាន​សណ្ឋាន​ស្រដៀង​នឹង​បាយ​ស្រា ។​
​ឡើងបុណ្យ​, ឡើងបុណ្យស័ក្ដិ ឬ ឡើងបុណ្យ​ឡើង​ស័ក្ដិ លឿន​ងារ​ការ​ឬ​បណ្ដា​ស័ក្ដិ​ពី​ថ្នាក់ទាប​ទៅ​ថ្នាក់ខ្ពស់ ឬ​ពី​ថ្នាក់​តូច​ទៅ​ថ្នាក់​ធំ ។​
​ឡើងផ្ទះ ឡើង​នៅក្នុង​ផ្ទះ​ថ្មី ។​
​ឡើងរាជ្យ ( –​រាច ) បាន​ទី​ជា​ក្សត្រិយ៍​ទ្រង់​រាជ្យ​, បាន​សោយរាជ្យ​។​
​ព​. ប្រ​. ឡើងអំណាច​ដោយ​សេចក្ដី​ព្រហើន​យង់ឃ្នង​( ហាក់ដូចជា​បាន​សោយរាជ្យ )
​ពួក​ពាល​ឡើងរាជ្យ​, ឧទ្ទាម​ឡើងរាជ្យ ។​
​ឡើងរាសី មាន​ស្រីសួស្ដី ។​
​ឡើងរោង តាំង​ពិធី​ពលីការ​គោរពបូជា​ពួក​ខ្មោច​អារក្ស​( ក្នុង​រោង​សង់​ថ្មី ) តាម​កាលកំណត់​ដែល​ត្រូវធ្វើ ។​
​ឡើងស័ក ដែល​ចូល​ស៊ប់​ក្នុង​ស័ក​ឆ្នាំ​ថ្មី​
​ពារ​ឡើងស័ក ឬ ថ្ងៃ​ឡើងស័ក ( ម​. ព​. សង្ក្រាន្ត និង ស័ក ផង ) ។​
​ឡើងសាច់ មាន​សាច់ ( ធាត់​ជាង​ពី​ដើម ) ។​
​ចាប់​តោង​ជាន់​ប្រវា​ទៅលើ​
​ឡើងដើមឈើ​, ឡើងត្នោត ។​
​ឡើងសិរី ឬ ឡើង​ស្រីសួស្ដី ស្រាប់​តែមាន​សិរី​ឬ​ស្រីសួស្ដី​ជាង​ពីមុន ។​
​ឡើងសម្ដី បញ្ច​ញ​សម្ដី​ឥត​ញញើត ។​
​ឡើងអំណាច មានអំណាច​លើសពី​ប្រក្រតី​ដើម ។​
​ឡើងអំនួត និយាយ​អួតខ្លួន​ហួស​ពី​ដំណើរ​ពិត ។​
​ឡើងអ្នកតា ប្រជុំគ្នា​ធ្វើ​ពលីការ​បូជា​អ្នកតា ។ ល ។​
​ចាប់​តោង​លូត​ទៅលើ​
​ម្លូ​ឡើងជន្លង់​, សណ្ដែក​ឡើងទ្រើង ។​
​ជន់​ចម្រើន​ទឹក​ខ្ពស់​ឬ​ជ្រៅ​
​ទឹក​ឡើង ( ព​. ផ្ទ​. ទឹក​ស្រក ) ។​
​ប៉ោង​សាច់​ខ្ពស់ជាង​ប្រក្រតី​
​នំអាកោ​ឡើង ។​
​ស្ទុះ​ពីក្រោម​មកលើ​
​ស្លេស្ម៍​ឡើង​
​ភ្ញាក់​ហើយ​ក្រោក​ពី​ដេក​
​ឡើងពីដេក ( ព​. សា​. ) ។ ល ។​
​ឡើង​-​ក ដែលមាន​ក​និង​បូគ​ធំ​
​គោ​ឡើង​-​ក ។​

គុណសព្ទ​

​ដែល​ចេះតែ​ចម្រើន​ទៅខាង​លើ​
​ខ្ពស់​ឡើង​, ធំ​ឡើង​, ល្អ​ឡើង​; កាន់តែ​ច្រើនឡើង​; ដើរ​ឆាប់​ឡើង​!

​អចលា​

(​អៈ​ចៈ​ល៉ា​)

​នាមសព្ទ​

( សំ​. បា​. ) ប្រឹថពី​, ពសុធា​, ផែនដី ( ព​. កា​. )
​សព្វ​សត្វ​ធម្មតា នៅលើ​អចលា មហាប្រឹថពី សឹង​មានបំណង ប៉ង​ឲ្យ​មាន​ក្ដី​- សុខ​រាល់​រាត្រី មិន​ឲ្យ​អាប់អន់ ។ ខ្លះ​បែរជា​ឃ្វាង ធ្វើ​ខុស​ច្រងាង ស្លើតស្លក់​ស្លោ​ស្លន់ យល់​ខុស​ជា​ត្រូវ ដើរ​តាមផ្លូវ​ភ័ន្ដ ពុទ្ធា​រហ​ន្ត ប្រដៅ​ពុំ​កើត ។​

​ផ្អេះៗ​

កិរិយាវិសេសន៍​

​ដែល​តឹង​ឬ​ណែន​លំបាក​ដកដង្ហើម​
​ដកដង្ហើម​ផ្អេះៗ ។ វេ​វ​. ផ្អឹះ ឬ ផ្អើះ ។​