​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​រអេះរអុះ​

កិរិយាវិសេសន៍​

​ត្រេះត្រុះ​ច្រិមច្រុម​រឿយៗ ដោយ​ទាល់គំនិត​ឬ​ទាល់​ពាក្យ​ទាល់​សេចក្ដី​ឆ្លើយ ឬក៏​ដោយ​អផ្សុក​ចង់​ក្រោក​ចង់​ចេញ​តែ​មិន​ហ៊ាន ព្រោះ​ញញើត​ព្រោះ​ខ្លាច​ជាដើម​
​អង្គុយ​រអេះរអុះ ។​

​អាចម៍សេះ​

(​អាច់​—)

​នាមសព្ទ​

(​ព​. ប្រ​. ) ឈ្មោះ​ត្នោត​ញី​ដែលមាន​ផ្លែ​តូចៗ​រដុបរដៀន (​ប្រៀបប្រដូច​នឹង​សណ្ឋាន​ដុំ​អាចម៍សេះ​)
​ត្នោត​អាចម៍សេះ (​ពាក្យ​ក្រាបទូល​ក្សត្រិយ៍​ថា ត្នោត​មូល​សេះ ឬ ត្នោត​ម្រេច គឺ​ត្នោត​ផ្លែ​តូចៗ​) ។​

​អំបែងចេះ​

​នាមសព្ទ​

​អំបែង​ល្អិតល្អោច​ច្រើនបែប​ដែល​កប់​លាយ​គ្នា​ក្ដាំង​នៅក្នុង​ដី​យូរអង្វែង​ហើយ​
​ជីកដី​ទៅ​ឃើញ​សុទ្ធតែ​អំបែងចេះ ។​

អំប៉េះអំប៉ោះ​

​កិរិយាវិសេសន៍​

​តេះតោះ​ឬ​តតេះតតោះ​, នេះ​ខ្លះ​នោះ​ខ្លះ​បន្តិចបន្តួច​, រប៉ិចរប៉ី​រាយរង​; ផ្សែផ្សំ​
​រកស៊ី​អំប៉េះអំប៉ោះ​, លក់ដូរ​អំប៉េះអំប៉ោះ​; របរ​អំប៉េះអំប៉ោះ ។​

គុណសព្ទ​

​តេះតោះ​ឬ​តតេះតតោះ​, នេះ​ខ្លះ​នោះ​ខ្លះ​បន្តិចបន្តួច​, រប៉ិចរប៉ី​រាយរង​; ផ្សែផ្សំ​
​រកស៊ី​អំប៉េះអំប៉ោះ​, លក់ដូរ​អំប៉េះអំប៉ោះ​; របរ​អំប៉េះអំប៉ោះ ។​

​អំពេះ​

គុណសព្ទ​

​ដែលមាន​មាឌតូច​ហួសពេក​ខុសពី​ធម្មតា ( ចំពោះតែ​សេះ )
​សេះ​អំពេះ សេះ​តូច ឬ​សេះ​ធំ​និង​សេះ​តូច ។​