​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អត្រា​ចូលដេក​មន្ទី​ពេទ្យ​ដោយ​សារ​មេរោគ​កូរ៉ូណា​បាន​ឈាន​ដល់​កម្រិត​ខ្ពស់​បំផុត​នៅក្នុង​ប្រទេស​អូស្ត្រាលី ខណៈ​ប្រទេស​នេះ​កំពុង​ប្រឈម​មុខ​នឹង​”​ជំងឺ​រាតត្បាត​​ភ្លោះ​” គឺ កូវី​ដនិង​ផ្តាសាយ​។​

​អូស្ត្រាលី​កំពុង​ប្រយុទ្ធ​នឹង​ការផ្ទុះ​អូ​មី​ក្រុងដោយស្នើអិយប្រជាជនពាក់ម៉ាស់ឡើងវិញ ​នៅពេល​ចំនួន​មនុស្ស​ស្លាប់​ដោយកូវី​ដ​១៩​កើនឡើង​

​តួលេខ​ផ្លូវការ​បង្ហាញថា​មាន​អ្នកជំងឺ​ចំនួន ៥.៤៥០ នាក់​កំពុង​ដេក​ក្នុង​មន្ទីរពេទ្យ​ជា​មួយកូ​វីដ​កាលពី​ថ្ងៃ​ចន្ទទី​២៥​កក្កដា ដោយ​បំបែក​កំណត់ត្រា​មុន​ចំនួន ៥.៣៩០​នាក់​ក្នុង​អំឡុង​ពេល​រលក​អូ​មី​ក្រុង​​ដំបូង​កាលពី​ខែ​មករា​។​

​តួលេខ​នោះ​គឺ​កើនឡើង​ពី​តួលេខ​ប្រហែល ៣.០០០ នាក់​កាលពី​មួយខែ​មុន ចំពេល​មាន​ការរីក​រាលដាល​នៃ​មេរោគ​បំប្លែង BA.4 និង BA.5 ។​

​អូស្ត្រាលី​ត្រូវបាន​សាទរ​ថា​ជា​សាច់​រឿង​ជោគជ័យ​នៃ​កូ​វីដនៅ​ដើមដំបូង​នៃ​ជំងឺ​រាតត្បាត​នៅពេល​ដែល​ខ្លួន​អាច​រក្សា​ករណី​ឆ្លង​ស្ទើរតែ​កម្រិត​សូន្យ​ដោយ​បាន​ប្រែក្លាយ​ខ្លួន​ទៅជា​រដ្ឋ​ឯកោ​ជាមួយនឹង​ការ​​បិទ​ខ្ទប់​ម្តង​ហើយ​ម្តងទៀត​និង​ការបិទ​ព្រំដែន​។​

​ប៉ុន្តែ​គោលនយោបាយ “​កូ​វីដ​សូន្យ​” ដ៏​ឃោរឃៅ ដែល​ខ្លួន​ទើប​ដក​ចេញ​ក្រោយ​ជំងឺ​កូវី​ដ​បាន​រាតត្បាត​ពីរ​ឆ្នាំ ត្រូវ​គេ​គិត​ថា​បានធ្វើឱ្យ​ប្រជាជន​របស់​ខ្លួន​មាន​ភាពស៊ាំ​តិចតួច​។​

​ប្រហែល ៩៥ ភាគរយ​នៃ​ប្រជាជន​អូស្ត្រាលី​ត្រូវ​បាន​ចាក់​វ៉ាក់សាំង​ពី​រដូស ហើយ ៧០ ភាគរយ​ត្រូវបាន​ចាក់ដូស​ជំរុញ ប៉ុន្តែ​មិន​មាន​នរណា​ម្នាក់​បាន​ប៉ះពាល់​នឹង​វីរុស​កូរ៉ូណា​ទេ​រហូត​ដល់​ឆ្នាំ​នេះ​។​

​យុទ្ធសាស្ត្រ​បិទ​ខ្ទប់​យ៉ាង​តឹងរ៉ឹង​នេះ​ក៏​ត្រូវ​គេ​គិត​ដែរ​ថា​បាន​ធ្វើឱ្យ​ភាពស៊ាំ​របស់​មនុស្ស​ចុះខ្សោយ​ចំពោះ​ជំងឺ​តាម​រដូវ ហើយ​ត្រូវបាន​ស្តីបន្ទោស​ចំពោះ​ការ​ផ្ទុះ​ឡើង​នៃ​ជំងឺ​ផ្តាសាយ​នាពេល​បច្ចុប្បន្ន​។​

​ផ្តាសាយ​តាម​រដូវ​របស់​អូស្ត្រាលី ដែល​ជា​ធម្មតា​ចាប់ផ្តើម​ពី​ខែ​មិថុនា​ដល់​ខែ​កញ្ញា បានចាប់ផ្តើម​ឆាប់​ខុស​ពី​ធម្មតា​នៅ​ឆ្នាំ​នេះ ហើយ​បណ្តាល​ឱ្យ​មាន​ការឆ្លង​កើនឡើង​ដល់​ទៅ ១០​ដង​ខ្ពស់​ជាង​កម្រិត​មុន​​ជំងឺ​រាតត្បាត​នៅក្នុង​សប្តាហ៍​មួយចំនួន​។​

​រដ្ឋាភិបាល​ថ្មី​របស់​បក្ស​ការងារ​បាន​ជំទាស់​នឹង​ការអំពាវនាវ​ឱ្យ​មាន​ការ​រឹតបន្តឹង​សង្គម​ឡើងវិញ ប៉ុន្តែ​បាន​ផ្តល់​អនុសាសន៍​ឱ្យ​មនុស្ស​ពាក់​ម៉ាស់​នៅក្នុង​អគា​រហើយ​អាជីវកម្ម​នានា​អនុញ្ញាត​ឱ្យ​និយោជិត​​ធ្វើការ​ពី​ផ្ទះ​ប្រសិនបើ​ពួកគេ​អាច​ធ្វើបាន​៕

អ្នកជំងឺ​ចំនួន ៥.៤៥០ នាក់​កំពុង​ដេក​ក្នុង​មន្ទីរពេទ្យ​ជា​មួយកូ​វីដ​កាលពី​ថ្ងៃ​ចន្ទទី​២៥​កក្កដា