ដោយ​: ប​.​ជ័យ / បន្ទាយមានជ័យ​: អគ្គនាយកដ្ឋាន​សវន​កម្ម​ផ្ទៃក្នុង ក្រសួងមហាផ្ទៃ បាន​ប្រជុំ​បើក​កិច្ច​សវនកម្ម​ផ្ទៃក្នុង នៅ​ស្នងការដ្ឋាន​នគរបាល ខេត្តបន្ទាយមានជ័យ កាលពី​រសៀល​ថ្ងៃទី​២៥ ខែកក្កដា ឆ្នាំ​២០២២ ម្សិលមិញ​នេះ ក្រោម​វត្តមាន​លោក​ឧ​ត្ត​ម​សេនីយ៍​ឯក សុខ សារ៉េត អគ្គនាយករង នៃ​អគ្គនាយកដ្ឋាន​សវនកម្ម​ផ្ទៃក្នុង ក្រសួងមហាផ្ទៃ​។

​លោក​ឧ​ត្ត​ម​សេនីយ៍ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ លោក លោកស្រី ឧ​ត្ត​ម​សេនីយ៍​ត្រី វរសេនីយ៍ ស្នងការរង នាយ​កា​រិ​ល័យ​ជំនាញ ៣១ លោក​អធិការ​ក្រុង​-​ស្រុក​ទាំង​៩ លោក​មេបញ្ជាការ​វរ​នគរបាល​ការពារ​ព្រំដែន​គោក​ទាំង​៤ បាន​អញ្ជើញ​ចូលរួម​ក្នុងការ​ប្រជុំ​បើក​កិច្ច​សវនកម្ម​ផ្ទៃ​ក្នុងនេះ ដើម្បី​ស្តាប់​ការណែនាំ​របស់​ក្រុមការងារ​សវន​ករ ដែល​បាន​ចុះមក​ធ្វើ​សវនកម្ម នៅក្នុង​ស្នងការដ្ឋាន​ដ្ឋា​ន​នគរបាល​ខេត្តបន្ទាយមានជ័យ​៕/V​