​ដោយៈប​.​ជ័យ / បន្ទាយមានជ័យ៖លោកស្នងការ​រង​ទទួល​ផែន​នគរបាល ការពារ​ព្រំដែន​គោគ ដឹកនាំ​កម្លាំង​ចុះ​ត្រួតពិនិត្យតាម​បន្ទាត់​ព្រំដែនកម្ពុជា ថៃ នៃ​ភូមិសាស្ត្រ​ខេត្តបន្ទាយមានជ័យ ។​

​អនុវត្តតាម​បទបញ្ជាលោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ ​លោក​ឧ​ត្ត​ម​សេនីយ៍​ត្រី អ៊ុំ សុផល ស្នងការរង​ទទួល​ផែន​នគរបាលការពារ​ព្រំដែន​គោគ​​ពេញ​មួយថ្ងៃនៅ​ថ្ងៃទី​២៦​ខែកក្កដា បាន​ដឹកនាំ​កម្លាំង​ក្រោម​ឱវាទចុះ​ត្រួតពិនិត្យតាម​អង្គ​ភាពវរ​សេនា​តូច​ទាំង​៤​និង តាម​បណ្ដា​ប៉ុស្ដិ៍​ព្រំ​ដែ​ន​ទាំង​៣២​ប៉ុ​ស្តិ៍ ។​នៅទីនោះលោកបានដាក់បទបញ្ជាដល់កងកម្លាំង​ត្រូវ​ទប់ស្កាត់​រាល់​បទល្មើស​ឆ្លងដែន​គ្រប់​ប្រភេទ ដូចជា ពលករ​ខ្មែរ​និង​បរទេស​លួច​ឆ្លងដែន​ខុសច្បាប់ បទល្មើស​រត់ពន្ធ​ រួមទាំង ​រថយន្ត​ចង្កូត​ស្តាំ​ថ្មី បទល្មើស​គ្រឿងញៀន​ជាដើម ។​

​ទន្ទឹមនេះលោក​ឧ​ត្ត​ម​សេនីយ៍ អ៊ុំ សុផល ក៏បាន​ណែនាំ​ដល់​កងកម្លាំងត្រូវ​មានការ​សហប្រតិបត្តិ​ការ​ជាមួយ​អង្គភាព​ផ្សេងៗ ជាពិសេស​ជាមួយកងកម្លាំងរបស់​ថៃ​៕សរន


លោក​ឧ​ត្ត​ម​សេនីយ៍​ត្រី អ៊ុំ សុផល ស្នងការរង​ទទួល​ផែន​នគរបាលការពារ​ព្រំដែន​គោគ​​ពេញ​មួយថ្ងៃនៅ​ថ្ងៃទី​២៦​ខែកក្កដា បាន​ដឹកនាំ​កម្លាំង​ក្រោម​ឱវាទចុះ​ត្រួតពិនិត្យតាម​អង្គ​ភាពវរ​សេនា​តូច​ទាំង​៤​និង តាម​បណ្ដា​ប៉ុស្ដិ៍​ព្រំ​ដែ​ន​ទាំង​៣២​ប៉ុ​ស្តិ៍(រូបថត ប.ជ័យ)