​ដោយៈ ប​.​ជ័យ / បន្ទាយ​មាន​ជ័​យៈ កម្លាំង​សមត្ថកិច្ច​ចម្រុះ នៅ​ស្រុក​ម៉ាឡៃ ខេត្តបន្ទាយមានជ័យ បាន​សហការ​ទប់ស្កាត់​ប្រជា​ពលរ​ដ្ធ​ខ្មែរ បម្រុង​លួច​ឆ្លងដែន​ខុសច្បាប់ ទៅ​ប្រទេស​ថៃ ចំនួន ២១ នាក់ (​ស្រី​៩​នាក់​-​កុមារ​១​នាក់​) នៅត្រង់ចំណុច​មាត់​អូរ​ព្រំដែន ស្ថិតក្នុង​ភូមិ​អូរ​ស្អំ ឃុំ​អូរ​សំព័រ ស្រុក​ម៉ាឡៃ ។​

​ប្រតិបត្តិការ​នេះ ជាការ​គោរព និង​អនុវត្តន៍​យ៉ាង​ម៉ឹងម៉ាត់ តាម​បទបញ្ជា លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ និង​ក្រោម​ការដឹកនាំ​បញ្ជា​ផ្ទាល់ របស់លោក​វរសេនីយ៍ឯក សួង សៅ មេបញ្ជាការ​វរ​សេនា​តូច នគរបាល​ការពារ​ព្រំដែន​គោក លេខ​៨១៥ ។​

​មន្ត្រីនគរបាល បានឱ្យដឹង នា​ថ្ងៃទី​២៨ ខែកក្កដា ឆ្នាំ​២០២២​ថាៈ កាលពី​ថ្ងៃទី​២៧ ខែ​កក្ដ​ដា ឆ្នាំ​២០២២ វេលា​ម៉ោង ១១​ៈ​២០ នាទី យប់ កម្លាំង​ប៉ុស្តិ៍​ព្រំដែន​ដើម​ត្រ​សេក ដឹកនាំ​ដោយ លោក វរសេនីយ៍​យ៍​ត្រី ណុប អឿន នាយប៉ុស្តិ៍​សហការ ជាមួយ​កម្លាំង​ផ្នែក​សឹក​រង ស្រុក​ម៉ាឡៃ ដឹកនាំ​ដោយ​លោក វរសេនីយ៍ត្រី ជា រិ​ទ្ធ មេបញ្ជាការ កងអនុសេនាធំ​ ​បាន​ទប់ស្កាត់​ប្រជា​ពលរ​ដ្ឋខ្មែរ បម្រុង​លួច​ឆ្លងដែន​ខុសច្បាប់ ទៅ​ប្រទេស​ថៃ ចំនួន ២១​នាក់ (​ស្រី​៩​នាក់ – កុមារ ១​នាក់​) នៅត្រង់ចំណុច​មាត់​អូរ​ព្រំដែន ស្ថិតក្នុង​ភូមិ​អូរ​ស្អំ ឃុំ​អូរ​សំព័រ ស្រុក​ម៉ាឡៃ ខេត្តបន្ទាយមានជ័យ ។​

​សមត្ថកិច្ច​បាន​បន្តថាៈ ពលករ​ទាំងនោះ មកពី​ទីកន្លែង​ទីទៃ​គ្នា ដូច​ជាមាន​ទីលំនៅ ក្នុង​ខេត្ត​ចំនួន ៤ គឺៈ ខេត្តបន្ទាយមានជ័យ ១៤​នាក់ , ខេត្តកំពង់ចាម ៣​នាក់ , ខេត្តក្រចេះ ២​នាក់ និង​ខេត្តកំពត ២​នាក់ ។​

​នគរបាល បាន​បន្តទៀតថាៈ បន្ទាប់ពី​ធ្វេ​ី​ការសួរនាំ និង​ធ្វេ​ី​កិច្ចសន្យា​រួច សមត្ថកិច្ច បានប្រគល់​ពួកគាត់​ជូន​ផ្នែក​ជំនាញ​របស់ អធិការដ្ឋាន​នគរបាល ស្រុក​ម៉ាឡៃ ដើម្បី​ចាត់ការ​បន្ត តាម​នីតិវិធី​៕/V​