ដោយៈ ជា សីហៈ​/​ភ្នំពេញៈ លោកស្រី ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ​បានអនុញ្ញាត​អោយ​លោក ឡូ​រ៉ង់ សឺ​ម៉េ​ត (Laurent SERMET) នាយក​ថ្មី​នៃ​ទីភ្នាក់ងារ​នៃ​បណ្តាញ​សាកលវិទ្យាល័យ​ប្រើប្រាស់​ភាសា​បារាំង (AUF) ប្រចាំ​នៅ​តំបន់​អាស៊ី​ប៉ាស៊ីហ្វិក ជួប​សម្តែង​ការគួរសម និង​ពិភាក្សា​ការងារ នៅ​ថ្ងៃទី ២៧ ខែ កក្កដា ឆ្នាំ ២០២២ កន្លងទៅ ។

​ក្នុង​កិច្ចពិភាក្សា​លោក ឡូ​រ៉ង់ សឺ​ម៉េ​ត បាន​ជម្រាបជូន​លោកស្រី​រដ្ឋមន្ត្រី អំពី​គម្រោង​កិច្ចសហប្រតិបត្តិការ​ប​ច្ចេកទេស​ជាន់ខ្ពស់​នៃ​បណ្តា​ប្រទេស​ប្រើប្រាស់​ភាសា​បារាំង ជាពិសេស​ជាមួយ​កម្ពុជា និង​ស្នើសុំ​ជា​ទស្សនៈវិស័យ​សម្រាប់​កិច្ចសហប្រតិបត្តិការ​នា​ពេលអនាគត​។​

​ក្នុងនាម​ប្រទេស​ប្រើប្រាស់​ភាសា​បារាំង លោកស្រី​រដ្ឋមន្ត្រី​បាន​ស្វាគមន៍​ចំពោះ​សកម្មភាព​កិច្ចសហប្រតិបត្តិការ​ផ្សេងៗ ដែល​ឈ​លើ​ប្រយោជន៍​ទៅវិញទៅមក និង​រីករាយ​ចូលរួម​កិច្ចសហប្រតិបត្តិការ​លើ​វិស័យ​វប្បធម៌​ថ្មីៗ​នាពេលខាងមុខ​៕​