ដោយៈ សុខុម / ស្ទឹងត្រែង​: សមត្ថកិច្ច បាន​ឲ្យ​ដឹង​នៅ​ព្រឹក​ថ្ងៃទី​២៩ ខែកក្កដា ឆ្នាំ​២០២២​ថាៈ បុរស​ម្នាក់ យក​ខ្សែ​នីឡុង​ចងដៃ​កូនស្រី ទើបនឹង​មាន​អាយុ​១០​ឆ្នាំ ផ្អោប​នឹង​សសរផ្ទះ រួច​វាយ​ឱ្យ​រងរបួស​ធ្ងន់​នោះ សមត្ថកិច្ច​ជំនាញ កំពុង​សាកសួរ កសាង​សំណុំរឿង និង​ត្រៀម​បញ្ជូនទៅ​តុលាការ​។​

​សមត្ថកិច្ច បាន​ឲ្យ​ដឹងថាៈ ជនសង្ស័យ​ឈ្មោះ សា​ឡេះ ភេទ​ប្រុស អាយុ ៣៦ ឆ្នាំ ជនជាតិខ្មែរ ឥស្លាម មាន​លំនៅ បច្ចុប្បន្ន នៅ​ភូមិ​ស្រែគរ​១ ឃុំ​ស្រែគរ ស្រុក​សេសា​ន ត្រូវ​នគរបាល ប៉ុស្តិ៍​ឃុំ​ស្រែគ ស្រុក​សេសា​ន ឃាត់ខ្លួន កាលពី​ថ្ងៃទី​២៧ កក្កដា កន្លងទៅ​។ រីឯ​កូនស្រី ទទួលរង​ទណ្ឌកម្ម ដោយ​អំពើហិង្សា ពី​ឪពុក​មានឈ្មោះ សា ឡេះ យ៉​ម អាយុ​១០​ឆ្នាំ​។​

​សមត្ថកិច្ច បាន​ដកស្រង់​សម្តី​ជនសង្ស័យ បាន​និយាយថាៈ មូល​ហេតុដែល​ឈានដល់ យក​ខ្សែ​នីឡុង ចងដៃ​កូនស្រី​ផ្អោប ទៅនឹង​សសរផ្ទះ​នោះ ព្រោះតែ​ខឹង​រឿង​ចេះ​លួច​អង្ករ អ្នកដទៃ​។ ក៏ប៉ុន្តែ​កូនស្រី ឆ្លើយ​បដិសេធថា មិនបាន​ធ្វើ​ដូច​ការចោទប្រកាន់​រប​ស់​ឪពុក​ទេ​៕/V​