ដោយ​: ចាន់តូ / ភ្នំពេញ​: ជនសង្ស័យ ឆក់​យ៉ាងសកម្ម​ចំនួន ៨​នាក់ ត្រូវបាន​កម្លាំង​នគរបាល​ព្រហ្មទណ្ឌកំ​រិត​ស្រាល នៃ​ស្នងការ​នគរបាល​រាជធានី​ភ្នំពេញ កសាង​សំនុំរឿង​បញ្ជូន ទៅកាន់​សាលាដំបូង​រាជធានី​ភ្នំពេញ ចាត់ការ​តាមច្បាប់​កាលពី​ព្រឹក​ថ្ងៃទី​២៩ ខែ កក្កដា ឆ្នាំ ២០២២ នេះ​។​

​ជនសង្ស័យ​ទាំង​៨​នាក់ ១-​ឈ្មោះ ខូ​យ ភារៈ ហៅ ង៉ោ​ល ភេទ​ប្រុស អាយុ​២០​ឆ្នាំ​, ២-​ឈ្មោះ អ៊ា​ន ដា​វ៉ា​ត់ ភេទ ប្រុស អាយុ ១៨ ឆ្នាំ​, ៣-​ឈ្មោះ នី ចំណាន ហៅ ណាក់ ភេទ ប្រុស អាយុ ១៨​ឆ្នាំ​,៤-​ឈ្មោះ នឿន ថា​នុ ហៅ ឌូ ភេទ ប្រុស អាយុ ១៨​ឆ្នាំ​,៥-​ឈ្មោះ យ៉​ត ម៉ី ភេទ ប្រុស អាយុ ១៨ ឆ្នាំ​, ៦-​ឈ្មោះ ម៉ន លី ភេទ ប្រុស អាយុ ១៨ ឆ្នាំ​, ៧-​ឈ្មោះ រី អ៊ូ​ជី ភេទ ប្រុស អាយុ ១៨ ឆ្នាំ និង​៨-​ឈ្មោះ វេន ស​ភ​ត្រា ភេទ ប្រុស អាយុ ១៨ ឆ្នាំ​។​

​តាម​លោក​វរៈសេនីយ៍ ឯក​ប៊ុន សត្យា នាយការិយាល័យ នគរបាល​ព្រហ្មទណ្ឌកំ​រិត​ស្រាល នៃ​ស្នងការ​នគរបាល​រាជធានី​ភ្នំពេញ​បានអោយដឹងថា​ជនសង្ស័យ ត្រូវបាន​កម្លាំង​នគរបាល​ស្រាវជ្រាវ ឃាត់ខ្លួន​ជា​បន្តបន្ទាប់​កាលពី ថ្ងៃទី​២៧ ខែកក្កដា ឆ្នាំ​២០២២​នៅ​ចំណុច​ហាង​លក់​ស្រា​ក្រឡុក ផ្លូវ​វ៉េងស្រេង សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ ដោយ​ពាក់ព័ន្ធ​ប្រព្រឹត្ត​បទល្មើស អំពើ​លួច​មាន​ស្ថាន​ទម្ងន់ទោស​ដោយសារ​ការ​ប្រព្រឹត្ត​អំពើហិង្សា ដោយ ឆក់ ប្លន់​ទ្រព្យសម្បត្តិ​របស់​ប្រជាពលរដ្ឋ​កន្លងមក​ចំនួន ០៦ ករណី​ផ្សេងគ្នា​។ បន្ទាប់ពី​ឃាត់ខ្លួន សមត្ថកិច្ច​ចាប់យក​វត្ថុតាង​បាន​ម៉ូតូ​ជា​មធ្យោបាយ​ជិះ​ធ្វើ​សកម្មភាព​ចំនួន ០២ គ្រឿង និង​ភស្តុតាង​ម៉ូតូ​ជា​របស់​ជនរងគ្រោះ​ចំនួន ០១ គ្រឿង​។ បន្ទាប់ ពី ឃាត់ខ្លួន សមត្ថកិច្ច​ក៍បាន​កសាង​សំនុំរឿង បញ្ជូន ទៅកាន់​សាលាដំបូង​រាជធានី​ភ្នំពេញ​ដើម្បី​ចាត់ការ​តាមច្បាប់​នៅពេលនេះ​៕​