​ប្រែ​សម្រួលៈ​បំណង​(ST)៖ ចិន​កាលពី​ថ្ងៃ​សៅរ៍​ទី​៣០​កក្កដា បាន​ប្រកាសថា​ខ្លួន​នឹង​ធ្វើ​សមយុទ្ធ​បាញ់​គ្រាប់​ពិត​នៅ​ក្នុង​ច្រក​សមុទ្រ​តៃវ៉ាន់ នៅមុន​ដំណើរ​ទស្សន​កិច្វ​មិនទាន់ប្រាដ​កមួយរ​បស់​ប្រធាន​​សភា​អាម៉េរិក​លោកស្រី ណាន់​ស៊ី ផេ​ឡូ​ស៊ី​។​

លោកស្រីប្រធានសភាអាម៉េរិក មានផែនការទៅធ្វ់ើទស្សនកិច្ចតៃវ៉ាន់។គ្រាន់តែជាផែនការក្នុងស្រមោលក៏បង្កភាពតានតឹងនិងការប្រុងជើងការពេញសមុទ្រ

​បើ​តាម​សារព័ត៌មាន​រដ្ឋ​ចិន​រាយការណ៍​កាលពី​ថ្ងៃ​សុក្រ សមយុទ្ធ​នេះ​នឹង​ត្រូវ​កំហិត​ទំហំ ហើយ​នឹង​ត្រូវ​ធ្វើឡើង​នៅឯនា​យកោះ​ពីង​តា​ន​(Pingtan)​ក្នុង​ខេត្ត​ហ្វ៊ុយ​ជៀន​(Fujian)​។​

​សេចក្តីថ្លែងការណ៍​របស់​រដ្ឋាភិបាល​ចិន​បាន​និយាយថា​«​នឹង​មាន​ការបាញ់​គ្រាប់​ពិត​…​រវាង​ម៉ោង​៨ព្រឹក​និង​៩​យប់ ហើយ​ការ​ចូល​ក្នុង​តំបន់​ហ្វឹកហាត់​នេះ​នឹង​ត្រូវ​ហាមឃាត់​»​។​

សូមបញ្ជាក់ថា​ភាព​តានតឹង​កើតមាន​ជា​បន្តបន្ទាប់និង​ការប្រកួតប្រជែង​ភូមិសាស្ត្រ​នយោបាយ​ក៏​កើនឡើង​ផង​ដែរ​​រវាង​មហាអំណាច​សេដ្ឋកិច្ច​ផុត​លេខ​ទាំងពីរ ដោយសា​រតែកោះ​តៃវ៉ាន់ ដោយ​ប្រធានាធិបតី​ចិន​លោក​ស៊ី ជីន​ភីង ទើប​ព្រមាន​ប្រធានាធិបតី​អាម៉េរិក ចូ បៃដិនតា​មទូរស័ព្ទ​កាលពី​ថ្ងៃ​ព្រហស្បតិ៍​ថា «​នរណា​លេង​ជាមួយ​ភ្លើង​នៅ​ទីបំផុត​នឹង​រលាក​»​។​

​រដ្ឋាភិបាល​អាម៉េរិក​មិន​បាន​បញ្ជាក់​អះអាង ឬក៏​បដិសេធ​របាយការណ៍​ដែលថា លោកស្រី​ផេ​ឡូ​ស៊ី នឹង​ទៅ​ធ្វើ​ទស្សនកិច្ច​កោះ​តៃវ៉ាន់​ដែរ​ឬ​អត់​ទេក្នុងអំឡុងពេល​លោកស្រី​ធ្វើ​ទស្សនកិច្ច​នៅ​ប្រទេស​អាស៊ី​​មួយ​ចំនួន​ប្រហែល​ជា​នៅ​ខែ​ក្រោយ​។​

​រដ្ឋាភិបាល​ទី​ក្រង​ប៉េកាំង​មើលឃើញ​ដំណើរ​ដូច្នេះ​ថា​ជាការ​បង្ក​រឿង​មួយ ដោយសារ​តែ​តៃវ៉ាន់​ជា​ទឹកដី​ចិន​ហើយ​ត្រូវ​ក្រុម​សេរីនិយម​ដែល​កំពុងគ្រប់គ្រង​កោះ​នេះ​​ជំរុញ​​ទាមទារ​ឯករាជ្យភាព​ក្រោមការជួយគាំទ្រនិងការពារពីអាម៉េរិក។​

​ទោះជា​ដំណើរ​របស់​មន្ត្រី​អាម៉េរិក​ទៅកាន់​កោះ​តៃវ៉ាន់​តែង​មិនសូវ​សម្ញែង ក៏​លោកស្រី​ផេ​ឡូ​ស៊ី​មាន​ឋានៈ​លំដាប់​ទី​ពីរបន្ទាប់​ពី​ប្រធានាធិបតី​ចូ បៃ​ដិន ហើយ​លោក​ស្រី​នឹង​ត្រូវ​ធ្វើដំណើរ​តាម​មធ្យោបាយ​យោ​​ធា បើសិនជា​ត្រូវ​ទៅ​កាន់​កោះ​នេះ​។​

​តំបន់​ដែល​នឹង​ត្រូវ​ធ្វើ​សមយុទ្ធ​បាញ់​គ្រាប់​ពិត​នេះ​នៅ​ចម្ងាយ​ប្រមាណ​១២០​គីឡូម៉ែត្រ​ពី​ឆ្នេរ​តៃវ៉ាន់​។​​វា​នឹង​ត្រូវ​ធ្វើឡើង​ក្រោយ​តៃវ៉ាន់​បញ្ចប់​សមយុទ្ធ​ត្រៀម​ការវាយប្រហារ​ពី​អា​កាស​និង​សមយុទ្ធ​ទ័ពអាកាស​និង​ជើង​ទឹក​មួយ​សប្តាហ៍​ពេញ ក្នុង​ការត្រៀមខ្លួន​ទាំងស្រុង​សំ​រាប់កា​រវាយ​ប្រហារ​ណាមួយ​ពី​ចិន​ដី​​គោក​។​

​ចាប់ពី​ថ្ងៃ​ចន្ទ​ដល់​ព្រហស្បតិ៍​ក្នុង​សប្តាហ៍​នេះ សឺ​រ៉ែ​ន​បាន​បន្លឺឡើង​នៅ​ទូទាំង​កោះ ជា​ផ្នែក​នៃ​សមយុទ្ធ​ការពារ​ដែនអាកាស​វ៉ាន់​អាន​( Wan An) ក្នុង​គោលបំណង​បង្កើន​ការយល់ដឹង​ក្នុងចំណោម​ជន​​ស៊ីវិល​ថា​ត្រូវ​ធ្វើ​ដូចម្តេច​ក្នុងករណី​មានការ​វាយប្រហារ​តាម​អាកាស​ណាមួយ​។​

​ក្នុងពេល​ជាមួយគ្នា កងទ័ពជើងទឹក អា​កាស​និង​ជើងគោក​ក៏​ធ្វើ​ស​យុទ្ធ​ប្រចាំឆ្នាំ​ហាន គួង​(Han Kuang)​ដែល​ធ្វើ​ហាក់ដូចជា​កំពុងទ​ប់ទ​លើ​នឹង​ការឈ្លានពាន​មកពី​ចិន​។​

​ទោះជា​សមយុទ្ធ​ទាំងពី​ត្រូវបាន​រៀបចំ​ធ្វើ​រាល់​ឆ្នាំ ក៏​សមយុទ្ធ​ពេល​នេះ​កើតឡើង​ចំ​ពេល​រសើប​និង​តានតឹង​បំផុត​រវាង​ចិន​និង​អាម៉េរិក​៕

​តៃវ៉ាន់​ទើប​បញ្ចប់​សមយុទ្ធ​ប្រចាំឆ្នាំ​ហាន គួង​ដែល​មាន​ការចូលរួម​ពី​កងទ័ពជើងទឹក អា​កាស​និង​ជើងគោក​