​ប្រែ​សម្រួលៈ​បំណង​(​ស្ពុ​ត​និច​)៖ ចិន​នៅ​ពេល​ថ្មីៗ​នេះ​បាន​បង្កើន​វត្តមាន​យោធា​របស់​ខ្លួន​នៅ​ជុំវិញ​កោះ​តៃវ៉ាន់ ដោយសារតែ​កិច្ចខិតខំ​របស់​រដ្ឋាភិបាល​ទីក្រុង​វ៉ាស៊ីនតោន​ដើម្បី​ផ្តល់​ជំនួយ​និង​លើកទឹកចិត្ត​​ដ​ល់​កម្លាំង​ផ្តាច់ខ្លួន​នៅ​តៃវ៉ាន់​។​

​នៅពេល​ត្រូវ​បាន​សួរ​អំពី​ដំណើរ​ទស្សនកិច្ច​អាច​នឹង​កើតឡើង​មួយ​របស់​ប្រធាន​សភា​អាម៉េរិក​លោកស្រី ណាន់​ស៊ី ផេ​ឡូ​ស៊ី នៅ​កោះ​តៃវ៉ាន់ អ្នកសម្របសម្រួល​ក្រុមប្រឹក្សាសន្តិសុខ​ជាតិ​របស់​សេត​វិមាន​លោក​​ច​ន ឃឺ​ប៊ី​( John Kirby)​បាន​និយាយថា រដ្ឋាភិបាល​អាម៉េរិក​មិន​បាន​មើលឃើញ​សញ្ញា​ណាមួយ​ស្តីពី​ប្រតិបត្តិការ​យោធា​របស់​ចិន​ក្នុងពេល​ឆាប់ៗ​នេះ​លើ​កោះ​តៃវ៉ាន់​ទេ​។​

អ្នកសម្របសម្រួល​ក្រុមប្រឹក្សាសន្តិសុខ​ជាតិ​របស់​សេត​វិមាន​លោក​​ច​ន ឃឺ​ប៊ី​

​លោក​ឃឺ​ប៊ី​បាន​ប្រាប់​អ្នកយក​ព័ត៌មាន​កាលពី​ថ្ងៃ​សុក្រ​ថា «​យើង​មិន​បាន​មើលឃើញ​សញ្ញា​រូបវន្ត​ធំដុំ​ណា​ពី​ចិន​ទាក់ទង​នឹង​តៃវ៉ាន់​ទេ​»​។​

​សេចក្តីថ្លែងការណ៍​នេះ​កើតឡើង​ចំពេល​ចិន​កាន់តែ​បញ្ចេញ​សម្លេង​ព្រមាន​អាម៉េរិក​ចំពោះ​ដំណើរ​ទស្សនកិច្ច​របស់ផេ​ឡូ​ស៊ីទៅ​កាន់​កោះ​ដែល​ចិន​ចាត់ទុកជា​ខេត្ត​ផ្តាច់ខ្លួន​មួយ​របស់​ខ្លួន និង​រង់ចាំ​តែ​ថ្ងៃ​​បង្រួប​បង្រួម​ជាមួយ​មហា​ចិនដីគោក​វិញ ទោះជា​ត្រូវ​ប្រើ​កម្លាំងយោធា​។​

​ក្នុង​ការសន្ទនា​តាម​ទូរស័ព្ទ​កាលពី​ថ្ងៃ​ព្រហស្បតិ៍​រវាង​ប្រធានាធិបតី​អាម៉េរិក ចូ បៃ​ដិន និង​សម​ភាគី​ចិន ស៊ី ជីន​ភីង ជុំវិញ​ភាព​តានតឹង​លើ​បញ្ហា​តៃវ៉ាន់ លោក​ស៊ី​បាន​ប្រាប់​អោយ​ប្រយ័ត្ន​«​កុំ​លេង​ជាមួយ​​ភ្លើង​»​លើ​បញ្ហា​តៃវ៉ាន់ ជា​ពិសេស​អំពី​ផែនការ​ដំណើរ​ទស្សនកិច្ច​របស់​មន្ត្រី​ច្បាប់កំពូល​អាម៉េរិក​។​

កាលពី​ថ្ងៃ​សុក្រ​​ផេ​ឡូ​ស៊ី បាន​ព្រលយ​ពាក្យ​ថា លោកស្រី​អាច​នឹង​ធ្វើដំណើរ​មក​កាន់​អាស៊ី តែ​មិន​បាន​និយាយ​រឿង​តៃវ៉ាន់​ទេ​។​

​រូប​បញ្ចេញ​ដោយ​ទីភ្នាក់ងារ​សារព័ត៌មាន​ស៊ីន​ហួរ បង្ហាញ​ទាហាន​នៃ​កងទ័ព​រំដោះប្រជាជនសម្តែង​ការ​លើក​ទង់ជាតិ​នៅក្នុង​ពិធី​មួយ​កាលពី​ថ្ងៃ​៣០​កក្កដា ២០១៧ ដើម្បី​ប្រារព្វ​ខួប​បង្កើត​កងទ័ព​ថ្ងៃ​០១​សីហា 

ជុំវិញផែនការទស្សនកិច្ចនេះ សេត​វិមាន​អាម៉េរិក​បាន​បដិសេធ​មិន​ធ្វើ​អត្ថាធិប្បាយ ដោយ​លោក​ឃឺ​ប៊ី​បានបញ្ជាក់​ថា «​គាត់​ទៅ​ទីណា ធ្វើ​អ្វី វា​ជា​រឿង​ប្រធាន​សភា​រូប​នេះ​និយាយ​»​។​តែ​លោក​ស្រី​ផេ​ឡូ​ស៊ី​ខ្លួនឯង​​ក៏​មិន​ឆ្លើយ​នឹង​សំណួរ​អ្នកកាសែត​អំពី​ផែនការ​ទស្សនកិច្ច​នេះដែរ ដោយសារ​«​ការព្រួយបារម្ភ​អំពី​សន្តិសុខ​»​។​

​ណាន់​ស៊ី ផេ​ឡូ​ស៊ី បដិសេធ​មិន​បញ្ជាក់ថា​តើ​ទៅ​តៃវ៉ាន់​ដែរ​ឬ​អត់

​ក្រសួងការបរទេស​ចិន​បាន​ប្រាប់​មុន​ហើយ​ថា បើសិនជា​ប្រធានសភា​អាម៉េរិក​ធ្វើ​ទស្សនកិច្ច​កោះ​តៃវ៉ាន់ រដ្ឋាភិបាល​ទីក្រុង​ប៉េកាំង​គ្មាន​ស្ទាក់ស្ទើរ​ទេ​នឹង​ចាត់វិធានការ​ខ្លាំងក្លា​ដើម្បី​ការពារ​អធិបតេយ្យ​​ភាព​និង​បូរណភាព​ទឹកដី​របស់​ខ្លួន ហើយ​អាម៉េរិក​ទទួលខុសត្រូវ​ទាំងស្រុង​រាល់​ផលវិបាក​អវិជ្ជមាន​​ចេញពី​ដំណើរ​ទស្សនកិច្ច​នេះ​៕