ប្រែ​សម្រួលៈ​បំណង(​ស្ពុ​ត​និច​)៖ អាចម៍ផ្កាយ​ទំហំ​ធំ​ចំនួន​ពីរ​ត្រូវ​រំពឹងថា​ធ្វើដំណើរនៅ​ចម្ងាយ​ប៉ុន្មាន​លាន​គីឡូម៉ែត្រ​ពី​ផែនដី​។​ដុំថ្ម​អវកាស​ថ្មី​ជាមួយ​នឹង​ល្បឿន​ដ៏​លឿន​ត្រូវ​ចូល​កៀក​ផែន​ដៅ​នៅ​ថ្ងៃ​សុក្រ​និង​​ថ្ងៃ​សៅរ៍​ទី​៣០​កក្កដា ទោះជា​យ៉ាង​គ្មានមួយ​ណា​នឹង​បុក​ចូល​ផែនដី​របស់​យើងដូច​ដែលយើងបានឃើញ​ក្នុង​ភាពយន្ត​ស្តី​ពី​មហន្តរាយ​ដោយ​ផ្កាយព្រះគ្រោះនោះ​ទេ​។​

​យោងតាម​ទីភ្នាក់ងារ​អវកាស​អាម៉េរិក​ហៅថា ណា​សា អាចម៍ផ្កាយ​ទីមួយ​ឈ្មោះ​2016 CZ 31​ត្រូវ​គេ​រំពឹង​នឹង​ហោះចូល​កៀក​ផែន​នៅ​នៅ​ម៉ោង​២៣ ម៉ោង​សកល​នា​ថ្ងៃ​សុក្រ​ក្នុង​ល្បឿន​៥៥.៦២០​គីឡូម៉ែត្រ​​ក្នុង​មួយ​ម៉ោង​។​វាមាន​អង្កត់ផ្ចិត​ប្រហែល​១២២​ម៉ែត្រ ហើយ​វា​ត្រូវ​រំពឹងថា​នឹង​ចូលមក​កៀក​ផែនដី​ចម្ងាយ​ក្រោម​២.៨០០.០០០​គីឡូម៉ែត្រ មុន​បោះពួយ​ចូល​ក្នុង​អវកាស​បាត់ស្រមោល និង​​វិល​មក​វិញ​ក្នុង​រយៈពេល​ប្រមាណ​៦​ឆ្នាំ​ម្តង​។​

​ដុំថ្ម​ទី​ពីរ​ឈ្មោះ​ថា​2013 CU83​នឹង​ចូក​កៀក​ផែនដី​បំផុត​នៅ​ម៉ោង​២៣: ៣៧ ម៉ោង​សកល​នៅ​ថ្ងៃ​សៅរ៍ ។​ដោយ​មាន​អង្កត់ផ្ចិត​១៨៣​ម៉ែត្រ វា​នឹង​នៅ​ចម្ងាយ​ប្រមាណ​៦.៩៦០.០០០​ពី​ផែនដី និង​ធ្វើ​ដំណើរ​ក្នុង​​ល្បឿន​២១.១៦៨​គីឡូម៉ែត្រ​ក្នុង​មួយ​ម៉ោង​។​

​សូមបញ្ជាក់​ថា ដុំថ្ម​អវកាស​ធំៗ​ឬ​ផ្កាយព្រះគ្រោះ​ហោះចូល​មក​កៀក​ផែនដី​ជា​រឿង​កម្រ តែលទ្ធភាព​ដុំថ្ម​បែប​នេះ​បុក​ផែនដី​របស់​យើង​មិន​ត្រូវបាន​បណ្តា​ទីភ្នាក់ងារ​អវកាស​ច្រានចោល​ទេ ទោះជា​លទ្ធភាព​តិចតួច​​បំផុត​។

​កាលពី​ឆ្នាំមុន អង្គការ​ណា​សា ចង់​ធ្វើតេស្តិ៍​សាកល្បង​លទ្ធភា​ព​របស់​ខ្លួន​ក្នុង​ការបញ្ចៀស​ឬ​បង្វែរ​ផ្លូវ​ដុំថ្ម​អវកាស​ដ៏​គ្រោះថ្នាក់ តាមរយៈ​បេសកកម្ម​បង្វែរ​ទិស​ផ្កាយព្រះគ្រោះ​ហៅថា​DART​។​បេសកកម្ម​​នេះ​គឺ​ត្រូវ​បញ្ជូន​យានអវកាស​មួយ​ទៅ​បុក​ដុំថ្ម​តូចៗ​ល្ម​មដែល​ធ្វើដំណើរ​តម្រង់​មក​ផែនដី ៕

​អាចម៍ផ្កាយ​ទីមួយ​ឈ្មោះ​2016 CZ 31 និង 2013 CU83 ចូល​មក​កៀក​ផែនដី​កាលពី​ថ្ងៃ​សុក្រ​និង​ថ្ងៃ​សៅរ៍ មុន​ពេល​វា​បោះពួយ​ចូល​ក្នុង​អវកាស​បាត់ស្រមោល​ជាថ្មី​