​ប្រែ​សម្រួលៈ​បំណង​(​ដេល្លី​ម៉េល​)៖ ពួក​អ្នកគាំទ្រ​បព្វជិត​សាសនា​អ៊ីរ៉ាក់​ដ៏​មាន​ឥទ្ធិពល​លោក ម៉ូត​តា​ដា សាដ​(Moqtada Sadr)​បាន​បន្តកាន់កាប់​សភា​អ៊ីរ៉ាក់​កាលពី​ថ្ងៃ​សៅរ៍​និង​មិន​មាន​ផែនការ​ចាក​​ចេញ​ទេ ដែល​វា​កាន់តែ​ធ្វើអោយ​ការ​ប្រទាញប្រទង់​នយោបាយ​ចំណាស់​រាប់​ខែ​មកនេះ​កាន់តែ​ផុង​ជ្រៅ​ឡើង​។​

​វា​ជា​លើក​ទី​ពីរ​នៅក្នុង​រយៈពេល​តែ​ប៉ុន្មាន​ថ្ងៃនេះ ដែល​អ្នកគាំទ្រ​បព្វជិត​និកាយ​ស៊ី​អាយ​រូបនេះ​បាន​សំរុកចូល​ក្នុង​អាគារ​សភា ក្រោយ​ការបោះឆ្នោត​កាលពី​ខែ​តុលា​មិន​បាន​ផ្តល់​លទ្ធផល​សំរាប់​បង្កើ​តចេញ​​រដ្ឋាភិបាល​មួយ​។​

​ចលនា​របស់​លោក​សាដ បាន​បា​ននិយាយ​ក្នុង​សេចក្តីថ្លែងការណ៍​ខ្លី​មួយ​ថា «​បាតុករ​ប្រកាស​បាតុកម្ម​ក្រាញ​ក្នុង​សភា​រហូតដល់​មាន​ការជូនដំណឹង​ជា​ថ្មី​»​។​

​សូមបញ្ជាក់​ថា ក្នុង​ប្រទេស​អ៊ីរ៉ាក​ដែល​មាន​និកាយ​សាសនា​និង​ជនជាតិ​ច្រើន ការបង្កើត​រដ្ឋាភិបាល​ពាក់ព័ន្ធ​ការចរចា​ដ៏​ស្មុគស្មាញ​ចាប់តាំងពី​ការឈ្លានពាន​ដឹកនាំ​ដោយ​អាម៉េរិក​នៅ​ឆ្នាំ​២០០៣​ដើម្បីទម្លាក់​​សា​ដាម ហ៊ូ​សេន​។​

​ពួក​អ្នកគាំទ្រ​លោក​សាដ ដែល​ធ្លាប់បាន​ដឹកនាំ​ក្រុម​ជីវពល​មួយ​ប្រឆាំង​កងកម្លាំង​អាម៉េរិក​និង​អ៊ីរ៉ាក់ ប្រឆាំង​ការជ្រើសតាំង​លោក ម៉ូ​ហា​ម៉េដ សៀ អាល់ ស៊ូ​ដា​នី (Mohammed Shia al-Sudani)របស់​ប្លុក​គាំទ្រ​អ៊ីរ៉ង់​អោយធ្វើ​ជា​នាយក​​រដ្ឋមន្ត្រី ដែល​តាម​ធម្មតា​មុខតំណែង​នេះ​តែង​ធ្លាក់​លើ​ក្រុម​ភាគច្រើន​ស៊ីអាយ​របស់​អ៊ីរ៉ាក់​។​

​បាតុករ​ម្នាក់​បាន​និយាយថា​«​យើង​មិន​ចង់​បាន​លោក ស៊ូ​ដា​នី​ទេ​»​។​

​ប្លុក​របស់​លោក​សាដ បាន​ផុសចេញ​ពី​ការបោះឆ្នោត​កាលពី​ខែតុលា ជា​ក្រុម​ធំ​បំផុត​មួយ​នៅក្នុង​សភា តែ​នៅ​ខ្វះ​សម្លេង​ភាគច្រើន​មួយ​សំរាប់​បង្កើត​រដ្ឋាភិបាល​។​បព្វជិត​នេះ​ឥឡូវ​ប្រើប្រាស់​ការតវ៉ា​ប្រឆាំង​​តាម​ដងផ្លូវ​ដើម្បី​ដាក់​សម្ពាធ​លើ​គូប្រជែង​នុយោ​បាយ​៕

​បាតុករ​សំរុកចូល​កាន់កាប់​សភា​កាលពី​ថ្ងៃ​សៅរ៍ នាំ​អោយ​ប្រធាន​សភា​លុបចោល​ផែនការ​ប្រជុំ​សភា​ទាំងអស់​