ដោយៈ ចាន់តូ / ភ្នំពេញ​: កំណាត់​ផ្លូវលំ​មួយ ខ្សែ​ដែល​រង​ការខូចខាត​ធ្ងន់ធ្ងរ​ត្រូវបាន​លោក​មេភូមិ​ព្រៃ​សាលា ចេញ​ថវិកា​ផ្ទាល់ ស្ថាបនា​ឡើង វិញ​ដើម្បី​សម្រួល​ដល់​ការលំបាក់​ក្នុងការ​ធ្វើដំណើរ​របស់​ប្រជាពលរដ្ឋ ក្នុង​មូលដ្ឋាន ក៏ដូចជា​អ្នកដំណើរ​ឆ្លងកាត់​។​

​នៅ​ព្រឹក​ថ្ងៃទី​០១ ខែសីហា ឆ្នាំ​២០២២​នេះ​លោក វង្ស សៀង​ហាក់ ចៅសង្កាត់​កា​កាប​ទី​២​និង លោក មុំ សាន មេភូមិ​ព្រៃ​សាលា ក៏បាន​ចុះទៅ​ត្រួតពិនិត្យ គ្រឿងចក្រ ដែល​កំពុងតែ ដំណើរការ​ឈូសឆាយ​ស្ថាបនា នេះ​។​

​កំណាត់ ផ្លូវ​ដែល​ត្រូវបាន​ស្ថាបនា នោះ មាន​ប្រវែង​ជិត​៣០០​ម៉ែត្រ មាន​ទទឹង​៦​ម៉ែត្រ​ស្ថាបនា ដោយ​ចាក់​ថ្ម ស្ថិតនៅ​ក្នុងភូមិ ព្រៃ​សាលាសង្កាត់​កា​កាប​២ ខណ្ឌ​ពោធិ៍​សែន​ជ័យ រាជធានី​ភ្នំពេញ​។

​តាម​លោក មុំ សាន មេភូមិ​ព្រៃ​សាលា បានអោយដឹងថា កន្លងមក​កំណាត់​ផ្លូវ​នេះ ជា​ផ្លូវដី​រង​ការខូចខាត​ធ្ងន់ធ្ងរ ដោយមាន​ជង្ហុក​ធំៗ​និង​ទឹក​ដក់ ជា​អន្លើរៗ ។ ដោយ​មើលឃើញ នូវ​ការលំបាក របស់​ប្រជាពលរដ្ឋ​ដែល​ធ្វើដំណើរ ឆ្លងកាត់ លោក ក៏បាន​ចេញ​ថវិកា​ផ្ទាល់ខ្លួន​ចាក់​ថ្ម ស្ថាបនា ឡើងវិញ​ដើម្បី​សម្រួល​ដល់​ការលំបាក​របស់​ប្រជាពលរដ្ឋ​៕​