​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ វា​មិន​ញឹកញាប់​ទេ​ដែល​អ្នក​មាន​ឱកាស​ក្លាយ​ជា​ម្ចាស់​រថយន្ត​ជែម​ស៍ប៊ន​ពិតប្រាកដ ប៉ុន្តែ​វា​នឹង​ជា​ករណី​លើកលែង​នៅ​ខែក្រោយ នៅពេល​ដែល​រថយន្ត​សម្រាប់​សម្តែង ម៉ាក Aston Martin DB5 ដែល​ប្រើ​ក្នុង​ខ្សែភាពយន្ត​ចុងក្រោយបង្អស់ “No Time to Die” នឹង​ស្ថិត​ក្រោម​ញញួរ​លក់​ដេញថ្លៃ​។​

​ក្រុមហ៊ុន Christie’s ដែល​នឹង​ផ្តល់ជូន​រថយន្ត​នេះ​ដល់​អ្នកដេញថ្លៃ​ខ្ពស់បំផុត​នៅឯ​ការដេញថ្លៃ ០០៧ របស់​ខ្លួន​នៅ​ថ្ងៃទី ២៨ ខែ​កញ្ញា បានដាក់​ការប៉ាន់ប្រមាណ​ពី ១,៥ លាន​ផោន​ទៅ ២​លាន​ផោន​​លើ​រថយន្ត​នេះ ដែល​មាន​ន័យ​ស្មើនឹង​ភ្នាក់ងារ​ចារកម្ម​របស់​អង់គ្លេស​។​

​ទោះយ៉ាងណា រថយន្ត​នេះ​ហាក់​មិន​ចំ​ជា​រថយន្ត​សម្រាប់​ប្រើ​នោះទេ​។ ហើយ​ការពណ៌នា​មួយ​បាន​បញ្ជាក់ថា វា​ជា​យានជំនិះ​សាគួ​ជា​ជាង​យានជំនិះ​ដែល​ត្រូវ​ជិះ​នៅលើ​ដងផ្លូវ ដោយ​អត្ថបទ​បោះពុម្ព​តូច​មួយ​សរសេរថា រថយន្ត​នេះ​មិន​បាន​ចុះបញ្ជី​សម្រាប់​បើក​លើផ្លូវ​នោះទេ ដូច្នេះ​មិន​អាច​បើកបរ​លើ​ផ្លូវ​សាធារណៈ​បានទេ ហើយ​នឹង​លក់​ចេញ​ដោយ​គ្មាន​ការ​សន្យាថា​វា​ជា​យានជំនិះ​”​ដែល​មាន​គុណភាព​​គួរ​ឱ្យ​ពេញចិត្ត​នោះឡើយ​”​។​

DB5 គឺ​ជា​រថយន្ត​មួយ​ក្នុងចំណោម​រថយន្ត​ចំនួន ៦ ដែល​ត្រូវបាន​ប្រើប្រាស់​នៅក្នុង​ខ្សែភាពយន្ត​ជែម​ស៍ប៊ន​ឆ្នាំ ២០២១ ដែល​ផ្តល់ជូន​ដោយ​ក្រុមហ៊ុន​ដេញថ្លៃ​នេះ​ក្នុងចំណោម​វត្ថុ​ចំនួន ៦០​ដែល​ផ្សារ​​ភ្ជាប់​ទៅនឹង​ខ្សែភាពយន្ត​នេះ ដែល​វត្ថុ​ទាំងអស់​ត្រូវ​ដាក់​លក់​ដើម្បី​រៃ​អង្គាស​ប្រាក់​សម្រាប់​អង្គការ​សប្បុរសធម៌​ចំនួន ៤៥ ផ្សេងៗ​គ្នា​៕

​ឲ​រថយន្ត Aston Martin DB5 អាច​មាន​តម្លៃ​ពី ១,៥ លាន​ផោន​ទៅ ២ លាន​ផោន​