​ដោយៈ ទេ​ពក​ង្រី / កំពង់ឆ្នាំង​: លោក លី ឡា នាយ​ខណ្ឌ​រដ្ឋបាល​ជល​ផល​កំពង់ឆ្នាំង នៅ​ល្ងាច ថ្ងៃទី​៣ ខែសីហា ឆ្នាំ​២០២២ បានឱ្យដឹងថាៈ សមត្ថកិច្ច​ខណ្ឌ​រដ្ឋបាល​ជលផល កំពង់ឆ្នាំង នៅ​ថ្ងៃទី​៣ ខែសីហា នេះ បាន​ចុះ​ប្រតិបត្តិ​ការបង្ក្រាប​បទល្មើស​ជលផល នៅ​ចំ ណុ​ច​មេទឹក​ពាម​ឆ្កោក ដល់​ខ្វែង​ឆ្លុះ ស្រុក​ជល​គី​រី ដោយ​ប្រើប្រាស់​កម្លាំង​សរុប ១១​នាក់ មាន​កាណូត​បា​ឡា​ស្មាច់ ៣ គ្រឿង ។

​លោក​បានបញ្ជាក់​ពី​លទ្ធផល​នៃ​ការបង្ក្រាប ឱ្យដឹងថាៈ លទ្ធផល​គឺ​បាន​រុះរើ​និង​បំផ្លាញចោល​របាំង​ស្បៃ​មុង ចំនួន ១១ កន្លែង ប្រវែង ៨០០ ម៉ែត្រ​, លប​លូ​ស្បៃ​មុង ចំនួន ១២​មាត់​, បង្គោល​ចំនួន ២០០ ដើម និង​បាន​ចាក់​លែង​កូន​ត្រី​ចម្រុះ ចូលក្នុង​ទន្លេ​វិញ ។​

​ដោយឡែក សមត្ថកិច្ច​ផ្នែក​រដ្ឋបាល​ជលផល​ផ្សារឆ្នាំង និង​សង្កាត់រដ្ឋបាល​ជលផល​ចុង​កោះ បាន​សហការ​ជាមួយ​អធិការដ្ឋាន​នគរបាល ក្រុង​កំពង់ឆ្នាំង បាន​ចុះ​ពិនិត្យ​ទីតាំង​ប្រជាពលរដ្ឋ ៦ គ្រួសារ មក​ស្នាក់នៅ​ចំណុច​ទួល​អំពិល សង្កាត់​កំពង់ឆ្នាំង ប្រកបមុខរបរ​កាវ​លៀស​ខុស ច្បាប់ ។ ក្រោយពី​ពិនិត្យឃើញ​ជាក់ស្តែង សមត្ថកិច្ច បាន​ឯកភាពគ្នា​ធ្វើលិខិត​ព្រមាន និង បានឱ្យ​ពួកគេ​រុះ​រើសម្ភារៈ​ចាកចេញ វិលត្រឡប់​ទៅផ្ទះ​សម្បែង​វិញ​។​

​ចំណែក សង្កាត់​ជលផល​បរិបូ​ណ៍ បាន​សហការ​ជាមួយ​អាជ្ញាធរ​ឃុំ​ឆ្នុកទ្រូ និង​មន្ត្រី​បរិស្ថាន ស្នាក់ការ​តំបន់​ប្រើប្រាស់​ច្រើនយ៉ាង បឹង​ទន្លេសាប​ប្រចាំខេត្ត​កំពង់ឆ្នាំង និង​ប៉ុស្តិ៍នគរបាល រដ្ឋបាល​ឆ្នុកទ្រូ បាន​ចុះ​ផ្សព្វផ្សាយ​ច្បាប់ ស្ដីពី​ជលផល ប្រកា​សលេខ ៤៥៨ ប្រ ក​. កសក ស្ដីពី​ការកំណត់​ប្រភេទ​ឧបករណ៍​នេសាទ​គ្រួសារ ដែល​អនុញ្ញាត​ឱ្យធ្វើ​នេសាទ ក្នុង​ដែន​នេសាទ​ទឹកសាប ដោយមាន​ការចូលរួម​ពី​ប្រជាពលរដ្ឋ ចំនួន ៧៦ នាក់ ក្នុងនោះ មាន​ស្រី​ចំនួន ២៥ នាក់​៕/V​