ដោយ​៖ សុវណ្ណ​កុម្ភៈ / ភ្នំពេញ​៖ នៅ​ថ្ងៃទី​៣ ខែសីហា ម្សិលមិញ​នេះ ក្នុង​ព្រឹត្តិការណ៍ នៃ​ការប្រកួត​កីឡា​និស្សិត​អាស៊ាន លើក​ទី​២០ (20th ASEAN University GAMES) កម្ពុជា​ឈ្នះ​បាន​មេដាយប្រាក់ ចំនួន ២ គ្រឿង បន្ថែមទៀត​។ ប្រភេទ​កីឡា​ចំនួន​២ ដែល​ដណ្ដើមបាន​មេដាយប្រាក់ ម្សិលមិញ​នេះ គឺ​ប្រភេទ​កីឡា​តេ​ក្វាន់​ដូ WT (World Taekwondo) និង​កីឡា​ប៉េតង់ ។​

​លោក មាស សារ៉េត មន្ត្រី​ទទួលបន្ទុក​ព័ត៌មាន បាន​ប្រាប់​ឲ្យ​ដឹង ពី​ប្រទេស​ថៃ​មក​ថាៈ ម្សិលមិញ​នេះ ប្រភេទ​កីឡា​ប៉េតង់​កម្ពុជា លើ​វិញ្ញាសា ២​នាក់​ទល់​២​នាក់​នារី បាន​ត្រឹម​មេដាយប្រាក់ ដោយ​ប្រកួត​ចាញ់​កីឡាការិនី​ថៃ ពិន្ទុ ៤ ទល់ ១៣ នៅ​វគ្គ​ផ្តាច់ព្រ័ត្រ គឺ​កីឡាការិនី ស្រ៊ាង សុរ៉ា​ឃីម និង​កីឡា​កា​រិ ឃួន យ៉ា​រី កម្ពុជា​។​

​ចំពោះ​ប្រភេទ​កីឡា​តេ​ក្វាន់​ដូ​កម្ពុជា​វិញ សម្រាប់​វិញ្ញាសា​ប្រយុទ្ធ​នារី ប្រភេទ​ទម្ងន់​ក្រោម ៤៩ គីឡូក្រាម កីឡាការិនី អ៊ុន ពេជ្រចរណៃ ទទួលបាន​មេដាយប្រាក់ និង​វិញ្ញាសា​ប្រយុទ្ធ​បុរស ប្រភេទ​ទម្ងន់​ក្រោម ៧៤ គីឡូក្រាម កីឡាករ មៀន សួ​ស័​យ​យិ ទទួលបាន​មេដាយសំរិទ្ធ ។​

​ព្រឹត្តិការណ៍​ប្រកួត​នេះ សហព័ន្ធ​កីឡា​សិស្ស និស្សិត​កម្ពុជា បាន​បញ្ជូន ៥ ប្រភេទ​កីឡា រួមមាន កីឡា​ប៉េតង់ គ្រូបង្វឹក ២ រូប កីឡាករ ៦ រូប និង​កីឡាការិនី ៦ រូប សរុប​ចំនួន ១៤ រូប តេ​ក្វាន់​ដូ WT ។​

​ការប្រកួត​ខាងលើនេះ ក្រោម​ការដឹកនាំ​ដោយ​លោក ស សុខា រដ្ឋលេខាធិការ ក្រសួង​អប់រំ យុវជន និង​កីឡា និង​ជា​ប្រធាន​សហព័ន្ធ​កីឡា​សិស្ស និស្សិត​កម្ពុជា​៕/V​