ដោយ​៖ សុវណ្ណ​កុម្ភៈ​/​ភ្នំពេញ​៖ សម្រាប់​ព្រឹត្តិការណ៍​ប្រកួត​បាល់ទាត់​ពិភពលោក​វគ្គ​៣២​ក្រុម​ចុងក្រោយ​ដែល​ធ្វើ​នៅ​ប្រទេស​កាតារ បាន​ចាប់ឆ្នោត​រៀបចំ​ពូ​ល​រួចរាល់​អស់ហើយ​​គឺមាន​៨​ពូ​ល​ដែល​មួយ​ពូ​លៗ​មាន​៤​ក្រុម​ហើយ​មួយក្រុមៗ​ត្រូវ​ជម្រុះ​២​ក្រុម​ចេញ​ទុក​២​ក្រុម​ឡើងទៅ​លេង​បន្ត​វគ្គ​១៦​ក្រុម​ចុងក្រោយ​។​

​សម្រាប់​ពូ​ល​A​មាន​កាតារ អេ​ក្វា​ដ័​រ សេ​ណេ​ហ្គា​ល់ និង ហូ​ល្លង់ ។​ពូ​ល B មាន​អង់គ្លេស​ អ៊ីរ៉ង់ អាមេរិក និង វែ​ល​។ ពូ​ល C មាន​អហ្ស​ង់​ទីន អា​រ៉ា​ប៊ី​សា​អ៊ូ​ឌី ម៉ិចស៊ីកូ និង​ប៉ូឡូញ ។​ពូ​ល D មានបារាំង អូស្ដ្រាលី ដា​ណឺ​ម៉ាក និង ទុយ​នេ​ស៊ី ។ ពូ​ល E មាន​អេ​ស្ប៉ា​ញ កូ​ស្ដា​រី​កា​ ​អាល្លឺម៉ង់ និង ជប៉ុន ។ ពូ​ល F ប៊ែ​ល​ហ្ស៊ី​ក កាណាដា ម៉ូ​រ៉ូ​កូ និង​ក្រូ​អា​ទី​។ ពូ​ល G មាន​ប្រេ​ស៊ី​ល​ ​ស៊ែរ​ប៊ី ស៊ុយអែត និង​កា​មេ​រូ​ន និង​ពូ​ល H មាន​ក្រុម​ព័រ​ទុយ​ហ្គា​ល់ ហ្គា​ណា អ៊ូ​រុយ​ហ្គា​យ​ និង ​កូរ៉េខាងត្បូង ។​

​អ្វីដែល​ចម្លែក​នោះ​គឺ World Cup លើក​នេះ​នឹងមាន​អាជ្ញាកណ្ដាល​ជា​ស្ដ្រី​ជា​លើកដំបូង​​នឹង​ដឹកនាំ​ការប្រកួត​បាល់ទាត់​ពិភពលោក​សម្រាប់​បុរស​ជា​លើកដំបូង ។​​អ្នកនាង Yamashita អាយុ​៣៦​ឆ្នាំ ជា​ជនជាតិ​ជប៉ុន អ្នកនាង Stephanie Frappart ជា​ជនជាតិ​​បារាំង និង​អ្នកនាង Salima Mukansanga ជនជាតិ​កាតារ​។ Rwanda គឺជា​ស្ត្រី​ដំបូង ដែល​នឹង​ធ្វើជា​អាជ្ញាកណ្តាល​នៅ World Cup បាល់ទាត់​បុរស​នា​ចុងឆ្នាំ​២០២២​នេះ​។

​អ្នកនាង Yamashita ជា​ស្ត្រី​ដំបូង​គេ​ទទួលបន្ទុក ការប្រកួត​ពានរង្វាន់ Asian Champions League របស់​បុរស​បាន​និយាយថា នាង​គិតថា​វា​ជា​ការល្អ​ក្នុងការ​បង្វែរ​មក​ចាប់អារម្មណ៍​លើ​ស្ត្រី​។​​ អ្នកនាង Yamashita, Frappart និង Mukansanga ត្រូវបាន​ជ្រើសរើស ក្នុងចំណោម​អាជ្ញាកណ្តាល​៣៦​នាក់ សម្រាប់​ការប្រកួត​បាល់ទាត់​ពិភពលោក​នា​ខែវិច្ឆិកា ដល់​ខែធ្នូ ជាមួយនឹង​ស្ត្រី​៣​នាក់​ទៀត មានឈ្មោះ​ក្នុង​បញ្ជី​ជំនួយការ ចំនួន ៦៩ ជា​លើកដំបូង​។​

​នាង Yamashita បាន​បន្តថា នាង​កំពុង​ទន្ទឹងរង់ចាំ​យ៉ាង​អន្ទះសារ នៃ​ការប្រកួត World Cup នៅ​ប្រទេស​កាតារ​មកដល់ ហើយ​កំពុង​ព្យាយាម​បង្កើនល្បឿន​នៃ​ការសម្រេចចិត្ត​របស់​អ្នកនាង​៕​