ដោយ​: វណ្ណៈ / ព្រះសីហនុ​: បុរស​ជនជាតិ​ចិន​ម្នាក់ បាន​ដេកស្លាប់​នៅក្រោម​ដើម​ស្ងា​វ ដោយមាន​ស្នាម បាញ់​និង​គ្រាប់កាំភ្លើង សមត្ថកិច្ច​ស​ង្ស​យ័​ថា ជនរងគ្រោះ​ធ្វើអត្តឃាត បាញ់សម្លាប់​ខ្លួន នៅក្បែរ​ឆ្នេរ​អូរ​ឈើទាល​ក្រុងព្រះសីហនុ វេលា​ម៉ោងជាង​៨​ព្រឹក​ថ្ងៃទី​៥​ខែសីហា​ឆ្នាំ​២០២២​នេះ ដោយ​មិនដឹង​ពី​មូលហេតុ​នៅឡើយ​។​

​សមត្ថកិច្ច​បញ្ជាក់ថា ជនរងគ្រោះ​ដេកស្លាប់​នៅ​កន្លែងកើតហេតុ​ក្រោម​ដើម​ស្ងា​វ និង​មាន​កាំភ្លើងខ្លី​មួយ​ដើម​នៅក្រោម​ភ្លៅ​របស់​ជនរងគ្រោះ​ម៉ាក CF98 គ្រាប់ ០៨ គ្រាប់ និង​សំបក​គ្រាប់​បាញ់​រួច​ចំនួន​១​គ្រាប់​, កាបូបស្ពាយ ១, ស្បោង​ថង់​អាហា​ក្រៀម និង​ដប​ស្រា​១ ដប​។

​ជនរងគ្រោះ​ឈ្មោះ SU. XIANG ភេទ​ប្រុស អាយុ ២៩​ឆ្នាំ ជនជាតិ​ចិន ចំណែក​សម្ភារៈ​វត្ថុតាង​មាន​កាំភ្លើងខ្លី​១​ដើម​។

​ក្រោយ​កើតហេតុ សមត្ថកិច្ច​បាន​ចាត់ចែង​ពិនិត្យ​ធ្វើ​កោសល្យ​វិ​ច្ច័​យ​លើ​សាកសព តាម​នីតិវិធី និង​ដឹក​សាកសព​ទៅ​រក្សាទុក​នៅ​មន្ទីរពេទ្យបង្អែក​ខេត្ត​ព្រះសីហនុ​៕​