មេបញ្ជាការ​កងទ័ពជើងគោក ៖ “​តម្លៃ​របស់​សិល្បៈ​វប្បធម៌ មាន​ទិដ្ឋភាព​បួន​សំខាន់ៗ ដែល​បំពេញ​ឱ្យ​គ្នា​ទៅវិញទៅមក​”

​ដោយៈ មុនី​រ័ត្ន / ភ្នំពេញៈ “​យើង​ត្រូវមាន​មោទនភាព​ចំពោះ​ទម្រង់​សិល្បៈ​ដែល​ខ្លួន​យើង​មាន និង​ឱ្យ​តម្លៃ​អ្វីដែល​យើង បាន​ខិតខំ​បង្កើត និង​កសាងបាន​។ ជារួម តម្លៃ​របស់​សិល្បៈ​វប្បធម៌ មាន​ទិដ្ឋភាព បួន សំខាន់ៗ ដែល​បំពេញ​ឱ្យ​គ្នា​ទៅវិញទៅមក​គឺ​៖ (១). សោភ័ណភាព ដែល​សំដៅលើ​ទឹកដៃ គំនិត​ច្នៃប្រឌិត និង​ទេពកោសល្យ​របស់​សិល្បក​រ កវីនិពន្ធ (២). ខ្លឹមសារ​ដែល​សំដៅលើ​អត្ថន័យ​គុណធម៌ សីលធម៌ គតិ​ធម៌ និង​ឧ​ត្ត​ម​គតិ ដែលមាន​មូលដ្ឋាន ក្នុង​ព្រលឹង និង​អត្តសញ្ញាណ​ជាតិ (៣). ការបង្ហាញ​ដែល​សំដៅលើ​ការបង្ហាញ​អត្តសញ្ញាណ មួយ ដែល​ពិតប្រាកដ និង​មាន​ប្រវត្តិ​សាវតារ​ត្រឹមត្រូវ (៤). ចំណង់​ចំណូលចិត្ត ដែល​សំដៅ​ទៅដល់​ការទាក់ទាញ ប្រជាប្រិយភាព និង​ការគាំទ្រ​ពី​មហាជន​”​។​

​នេះ​ជាការ​បញ្ជាក់​របស់ លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គ​មេបញ្ជាការរង នៃ​កងយោធពល​ខេមរភូមិន្ទ មេបញ្ជាការ​កងទ័ពជើងគោក បានបញ្ជាក់នៅក្នុង​ពិធី​សំណេះសំណាល និង​ពិសា​អាហារ​សាមគ្គី ជាមួយ​ថ្នាក់ដឹកនាំ​សិល្បៈ សិល្បករ សិល្បការិនី នៃ​សិល្បៈ​ទាំង ៧ ទម្រង់ នៅ​រាជធានី​ភ្នំពេញ នា​ថ្ងៃទី​៦ ខែសីហា ឆ្នាំ​២០២២ នេះ​ ថាៈ “​តម្លៃ​របស់​សិល្បៈ​វប្បធម៌ មាន​ទិដ្ឋភាព​បួន​សំខាន់ៗ ដែល​បំពេញ​ឱ្យ​គ្នា​ទៅវិញទៅមក​”។​