ដោយៈ ភ្នំស្វាយ / បន្ទាយមានជ័យៈ នារសៀលថ្ងៃទី១៣ ខែកញ្ញា ឆ្នាំ២០២២ សាខាកាកបាទក្រហមខេត្តបន្ទាយមានជ័យ បានរៀបចំពិធីប្រកាសសុពលភាព ដល់លោកស្រី ព្រះតេជគុណ ព្រះកិត្តិយស នៃគណៈកម្មាធិការសាខា កាកបាទក្រហម ក្រុងសិរីសោភ័ណ ។ មុននេះ ក៏មានការប្រកាស តែងតាំងសមាសភាពដូចគ្នានេះ នៅស្រុកភ្នំស្រុក និងស្វាយចេក ។
នៅក្រុងសិរីសោភ័ណ លោក លី សារី អនុប្រធានអចិន្ត្រៃយ៍សាខាកាកបាទក្រហម ខេត្តបន្ទាយមានជ័យ បានអញ្ជើញជាអធិបតី ។
សូមបញ្ជាក់ថា ក្រុងសិរីសោភ័ណ សមាសភាព គណៈ:អនុសាខាមាន ៣ ថ្នាក់ ដូចស្រុក ក្រុងដទៃទៀតដែរ ។គណៈកិត្តិយសត្រូវបានប្រកាសតែងតាំងមានចំនួន៨ រូប ក្នុងនោះ ក៌មានព្រះតេជគុណ ប៉ាត សុគន្ធ អនុគណក្រុង សិរីសោភ័ណមួយព្រះអង្គផងដែរ ហេីយ អនុសាខា ចំនួន៨ រូបព្រមទាំងមានមន្ត្រីប្រចាំការចំនួន ២រូប គឺលោក ស្រេង សុផល ដែលជាប្រធានជាអនុសាខាក្រុង។ ឯលោកជាម សុខ ជាប្រធានកិត្តិយស ។
រីឯ ការប្រកាសតែងតាំងគណៈកិត្តិយស និងគណៈកម្មាធិការអនុសាខា កាកបាទក្រហមកម្ពុជា ស្រុកភ្នំស្រុក ធ្វើឡើងក្រោមអធិបតីភាពលោក ខេង ស៊ុម ប្រធានកិត្តិយស នៃគណ:កម្មាធិការកាកបាទក្រហមខេត្ត ។ គណៈកិត្តិយសអនុសាខា មានចំនួន១៥អង្គ/នាក់ (ព្រះសង្ឃ១អង្គ ជាព្រះអនុគណស្រុក) ស្រី២នាក់ ក្នុងនោះមាន ប្រធាន១រូប និងអនុប្រធាន១៥ អង្គ/នាក់ ។ ប្រធានកិត្តិយស មានឈ្មោះរឿង បូរ ប្រធានក្រុមប្រឹក្សាស្រុកភ្នំស្រុក។ គណៈកម្មាធិការអនុសាខា ចំនួន១១នាក់ ស្រី៣នាក់ មានប្រធាន១នាក់ អនុប្រធាន២នាក់។ ប្រធានអនុសាខាកក្រកជាអភិបាលស្រុកគឺលោក ជូ បុត្រ។ មន្ត្រីប្រចាំការមានចំនួន២នាក់ ស្រីទាំង២នាក់ ។
ជាមួយគ្នានេះ ក៏មានការប្រកាសតែងតាំងគណៈកិត្តិយស និងគណៈកម្មាធិការ អនុសាខាកាកបាទក្រហមកម្ពុជា ស្រុកស្វាយចេក ក្រោមអធិបតីភាពលោក សួន សុធី អនុប្រធានគណៈកម្មាធិការសាខា និងមានការចូលរួមពីលោកស្រី នួម សុភ័ណ អនុប្រធានកិត្តិយសសាខា។ សមាសភាពមាន ៣ថ្នាក់ គណៈកិត្តិយស គណៈកម្មាធិការអនុសាខា និងមន្ត្រីប្រចាំការ។ ១,គណៈកិត្តិយសអនុសាខា មានចំនួន ៩ អង្គនាក់(ព្រះសង្ឃ១អង្គ) / ស្រី២នាក់ ក្នុងនោះមាន ប្រធាន១រូប និងអនុប្រធាន ៨ អង្គនាក់ ។ ប្រធានកិត្តិយស មានឈ្មោះដា ទឹង ជាប្រធានក្រុមប្រឹក្សាស្រុកស្វាហចេក ។ ២,គណៈកម្មាធិការអនុសាខា ចំនួន៩នាក់ ស្រី២នាក់ មានប្រធាន១នាក់ អនុប្រធាន២នាក់។ ប្រធានអនុសាខាកក្រកជាអភិបាលស្រុកលោក លឿង សុភក្តិ។ ៣,មន្ត្រីប្រចាំការ មានចំនួន២នាក់ / ស្រី១នាក់ ៕ V / N
