ប្រែសម្រួល : កញ្ញាដាលីស (បាល់ទាត់) ៖ ក្រុមបិសាចក្រហម Man U នឹងព្យាយាមយកឈ្នះលើម្ចាស់ផ្ទះ Sheriff ឱ្យខាងតែបាន ក្រោយបើកឆាកចាញ់ Real Sociedad ០-១ ក្នុងទឹកដីខ្លួនឯងក្នុងក្របខ័ណ្ឌ Uefa Europa League ។ ចំណែក Roma ក៏ដូច្នេះដែរ រំពឹងឈ្នះថ្ងៃនេះដូចគ្នា ក្រោយបើកឆាកចាញ់ Ludogorets Razgrad ២-១ នៅក្រៅទឹកដីក្នុងក្របខ័ណ្ឌ UEL។ គូធំៗជាច្រើនទៀតក៏មានប្រកួតនៅក្នុងក្របខ័ណ្ឌ UEL & UECL ផងដែរ តួយ៉ាងដូចជា West Ham, Monaco, Villarreal, Basel, Firorentina ។ល។ ដែលសុទ្ធសឹងសង្ឃឹមទទួលបានជ័យជម្នះនៅយប់នេះ។
ការព្យាករណ៍ ៖
– Sheriff vs Manchester United
ក្រុមបិសាចក្រហម Manchester United បានចាញ់ ០-១ នៅចំពោះមុខហ្វូងអ្នកគាំទ្រក្នុងផ្ទះខ្លួនឯងក្នុងការប្រកួតបើកឆាក ហើយភ្លាមៗនោះពួកគេបានដាក់សម្ពាធខ្លាំងមកលើខ្លួនឯង។ ពួកគេត្រូវការឈ្នះជាបន្ទាន់នៅថ្ងៃព្រហស្បតិ៍នេះ ហើយនឹងព្យាយាមឈ្នះច្រើនគ្រាប់ជាមួយនឹង Sheriff Tiraspol។
លោក Erik ten Hag បានជ្រើសរើសប្តូរក្រុមឈុតធំទាំងស្រុងនៅក្នុងការប្រកួតដំបូងនៃ Europa ហើយវាធ្វើឱ្យគាត់សោកស្តាយបំផុត។ បិសាចក្រហមបានចាញ់ក្នុងផ្ទះ ហើយនេះពិតជាធ្វើឱ្យអនាគតបាល់អឺរ៉ុបរបស់ពួកគេស្ថិតក្រោមហានិភ័យ។
ទោះយ៉ាងណា ពួកគេនៅតែមានទំនុកចិត្តថាពួកគេនឹងឈរលេខ១ក្នុងពូលងាយស្រួលបំផុតក្នុង Europa នេះ។
ប៉ុន្តែដើម្បីធ្វើដូច្នេះបាន ពួកគេចាំបាច់ត្រូវឈ្នះធំក្នុងការប្រកួតនៅថ្ងៃព្រហស្បតិ៍នេះ។
ពួកគេកំពុងតែមានទម្រង់លេងល្អនៅពេលនេះក្នុងក្របខ័ណ្ឌ English Premier League។ ពួកគេមានការចាប់ផ្តើមមិនសូវល្អក្នុងយុទ្ធនាការរបស់ពួកគេ ប៉ុន្តែបន្ទាប់មកបានបន្តឈ្នះបួនប្រកួតជាប់ៗគ្នា។
ទន្ទឹមនឹងនេះដែរ Sheriff គឺក្រុមលីកកំពូលរបស់ប្រទេសម៉ុលដាវី ដែលមានបាល់ទាត់កម្រិតទាប ហើយនាពេលថ្មីៗនេះ ការលេងរបស់ពួកគេមិនទាន់បានល្អនោះទេ។
ជាពិសេស ពួកគេពិបាកនឹងទទួលលទ្ធផលល្អជាប់លាប់នៅចំពោះមុខហ្វូងអ្នកគាំទ្រនៅក្នុងផ្ទះរបស់ពួកគេ។
តាមមើលទៅ គេរំពឹងថា Manchester United នឹងទទួលជ័យជម្នះយ៉ាងងាយនៅថ្ងៃព្រហស្បតិ៍នេះក្នុងលទ្ធផលព្យាករណ៍ ៤-១។
– Roma vs HJK
Roma បានភ្លាត់ស្នៀតក្នុងការប្រកួតបើកឆាក UEFA Europa League ដោយចាញ់ ២-១ នៅទឹកដីរបស់ Ludogorets ។
បរាជ័យនេះបានធ្វើឱ្យយើងភ្ញាក់ផ្អើល ដោយហេតុថាលោក Jose Mourinho បានបញ្ជូនក្រុមខ្លាំងទៅកាន់ទីលានក្នុងទីក្រុង Razgrad ។
ក្រុម Roma ឥឡូវនេះនឹងមានទឹកចិត្តខ្ពស់ដើម្បីទទួលជ័យជម្នះលើកដំបូងរបស់ពួកគេនៅក្នុងការប្រកួតជុំទី២ ខណៈពួកគេប្រកួតជាមួយក្រុម HJK របស់ហ្វាំងឡង់នៅយប់ថ្ងៃព្រហស្បតិ៍នៅឯកីឡដ្ឋាន Stadio Olimpico ។
ការឈ្នះនៅទីនេះគឺជាការចាំបាច់សម្រាប់បុរសរហស្សនាម Special One ពីព្រោះ Roma នឹងត្រូវជួប Real Betis ក្នុងការប្រកួតពីរជើងជាប់គ្នាក្នុងជុំទី ៣ និងជុំទី ៤ នៃវគ្គចែកពូល។
Roma ពិតណាស់ជាក្រុមមានប្រៀបឈ្នះខ្ពស់នៅទីនេះទល់នឹង HJK ដែលបង្ហាញពីកម្រិតទាបរបស់ពួកគេក្នុងការប្រកួតបើកឆាកទល់នឹង Real Betis។
ការចាញ់ ០-២ ទល់នឹងក្រុមអេស្ប៉ាញនៅទីក្រុង Helsinki គឺមិនឈឺចាប់ដូចរបៀបដែលម្ចាស់ជើងឯកហ្វាំងឡង់លេងពេញ៩០នាទីនៃការប្រកួតនោះទេ។
កងទ័ពរបស់លោក Toni Koskela បានខកខានស៊ុតមិនដល់៥ជើងទេកាលពីសប្តាហ៍មុនទល់នឹង Betis ហើយមានតែមួយជើងគត់ចំគោលដៅ។
HJK នឹងត្រូវបង្ខំចិត្តចតឡានក្រុងនៅទីនេះទល់នឹង Roma ផងដែរ។ គេពិបាកនឹងឃើញសេណារីយ៉ូណាមួយដែលក្រុមហ្វាំងឡង់អាចគេចផុតពីបរាជ័យនោះឡើយ ពេលលេងទល់នឹងគីឡូធ្ងន់របស់អ៊ីតាលី។
យើងនឹងតាមដានយ៉ាងដិតដល់លើកីឡាករ Paulo Dybala ដែលបានស៊ុតបាល់បញ្ចូលទីក្នុងការទទួលជ័យជម្នះ ១-២ នៅទឹកដីរបស់ Empoli កាលពីយប់ថ្ងៃចន្ទ។
Roma បានឡើងទៅឈរនៅលេខ៥ក្នុងតារាង Serie A បន្ទាប់ពីទទួលជោគជ័យនៅកីឡដ្ឋាន Stadio Carlo Castellani។
លទ្ធផលព្យាករណ៍ Roma ឈ្នះ ៤-១៕
បិសាចក្រហមរំពឹងឈ្នះលើក្រុម Sheriff