ដោយ៖ រ៉ាម៉ន/ភ្នំពេញ៖ ក្នុងឱកាសនៃពិធីបុណ្យកាន់បិណ្ឌ-ភ្ជុំបិណ្ឌ នៅព្រឹកថ្ងៃព្រហស្បតិ៍ទី១៥ ខែកញ្ញា ឆ្នាំ២០២២នេះ លោក លឹម ចាន់ដាវុធ អភិបាលរងខណ្ឌកំបូល បានចូលរួមជាមួយប្រតិភូ នៃមន្ទីសាធារណការ និងដឹកជញ្ជូនរាជធានីភ្នំពេញ, រដ្ឋបាលខណ្ឌពោធិ៍សែនជ័យដឹកនាំនាំដោយលោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ និងតំណាងរដ្ឋបាលខណ្ឌព្រែកព្នៅ ដែលជាសម្ព័ន្ធមេត្រីភាព ជាមួយវរៈនគរបាលព្រំដែនគោក ៧៩៣ បន្តចុះជួបសំណេះសំណាល និងសួរសុខទុក្ខ ព្រមទាំងនាំយកអំណោយ និងថវិកាមួយចំនួន ជូនដល់កងកំលាំងវរៈនរគបាលការពារព្រំដែនគោកលេខ ៧៩៣ ដែលឈរជើងការពារនៅខ្សែក្រវ៉ាត់ព្រំដែន ប្រចាំទិសប្រាសាទព្រះវិហារ ច្រកអន្តរជាតិអានសេះ តាមអនុសាសន៍ដឹកនាំដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងតាមផែនការយកចិត្តទុកដាក់ដឹកនាំរបស់ លោក ឃួង ស្រេង អភិបាលរាជធានីភ្នំពេញ ក្នុងការផ្សារភ្ជាប់ ទំនាក់ទំនងគាំទ្ររវាងសមភូមិមុខ ជាមួយសមរភូមិក្រោយ ដើម្បីពង្រឹងស្មារតីការពារជាតិ មាតុភូមិ ក្នុងគោលបំណងបន្តថែរក្សាការពារសន្តិភាព និងអភិវឌ្ឍព្រះរាជណាចក្រកម្ពុជាឲ្យកាន់តែរីកចម្រើន៕
