​ដោយៈ​សុផល​/​ភ្នំពេញ​៖អគ្គនាយកដ្ឋាន​ភស្តុភារ​កម្ម​នៃ​ក្រសួង​សាធារណការ​និង​ដឹកជញ្ជូន​បាន​កោះប្រជុំ​ក្រុមការងារ​អន្តរ​អគ្គនាយកដ្ឋាន​និង​មន្ត្រី​ជំនាញ​ពាក់ព័ន្ធ​ដើម្បី​ពិនិត្យ​និង​កែសម្រួល​សេចក្តីព្រាង​ផែនការមេ​គ្រប់​ជ្រុងជ្រោយ​ស្តីពី​ការដឹកជញ្ជូន​អន្តរ​មធ្យោបាយ​កម្ពុជា ឆ្នាំ​២០២២-២០៣០​ដែល​អគ្គនាយកដ្ឋាន​ភស្តុភា​រកម្ម​ទើបបាន​ទទួល​ពី​ឧ​ត្ត​ម​ក្រុមប្រឹក្សា​សេដ្ឋកិច្ចជាតិ (SNEC)​។

​គេហទំព័រ​ហ្វេ​ស​ប៊ុ​ក​ផ្លូវការ​របស់​ក្រសួង​សាធារណការ​នៅ​ថ្ងៃទី​២០​ខែកញ្ញា​បានឱ្យដឹងថា កិច្ចប្រជុំ​នេះ ដឹកនាំ​ដោយ​លោក ឈៀង ពេជ្រ អគ្គនាយក នៃ​អគ្គនាយកដ្ឋាន​ភស្តុភា​រកម្ម ក្រសួង​សាធារណការ និង​ដឹកជញ្ជូន ។​

​ក្នុង​អង្គប្រជុំ​លោក​អគ្គនាយក​បានស្នើ​ឱ្យ​អង្គភាព​ពាក់ព័ន្ធ​ទាំងអស់​ពិនិត្យ​នូវ​ការឆ្លើយតប​របស់​SNEC​ថា​ស្របតាម​គោលដៅ​របស់ ផែនការមេ របស់​អង្គភាព​ឬទេ និង អនុវត្ត តាម​គោលការណ៍​ទាំង​៧​ចំណុច​របស់ SNEC​ក្នុងការ​ជ្រើសរើស​គម្រោង​អាទិភាព និង ឆ្លើយតប​ជា លាយលក្ខណ៍អក្សរ​ត្រឹម​ថ្ងៃទី​២១ ខែកញ្ញា ឆ្នាំ​២០២២ ដើម្បីឱ្យ​ក្រុមការងារ​របស់​អគ្គនាយក​ដ្ឋា​ន​ភស្តុភារ កម្ម​ធ្វើការ​បូកសរុប​ទាន់ពេលវេលា​ជូនទៅ SNEC រៀបចំ​បន្តទៀត​៕​សរន​.mara