ក្រសួង​ធនធានទឹក ជូនដំណឹង​អំពី​ព្យុះ​ទី​១៦
​ដោយៈ ប​.​ខុន / ភ្នំពេញៈ ក្រសួង​ធនធានទឹក និង​ឧតុនិយម នៅ​ល្ងាច​ថ្ងៃទី​២៤ ខែកញ្ញា បានចេញ​សេចក្តីជូនដំណឹង ស្តីពី​ព្យុះ​ទី​១៦ ឈ្មោះ ណូ​រុ ដែលមាន​ដំណើរ​ចូល ភាគ​កណ្តាល ប្រទេស​វៀតណាម នៅពេល​ប៉ុន្មាន​ថ្ងៃ​ខាងមុខ​។​

​នៅក្នុង​សេចក្តីជូនដំណឹង បានសរសេរថាៈ តាម​ការវិវត្ត​ជាក់ស្តែង ជា​បន្តបន្ទាប់ នៃ​ស្ថានភាព​អាកាសធាតុ បានបង្ហាញ​ឲ្យ​ឃើញថា កម្លាំង​ស្រូបនៃ​ឥទ្ធិពល​ព្យុះ​ទី​១៦ ឈ្មោះ ណូ​រុ ” NORU ” ដែល​កើត​នៅ​ភាគ​ខាងកើត ប្រទេស​ហ្វីលីពីន នឹងធ្វើ​ឲ្យ​ប្រព័ន្ធ​សម្ពាធ​ទាប (ITCZ) ដែល​អូសបន្លាយ​លើ​ភាគ​ខាងជើង​កម្ពុជា បាន​ចុះថមថយ​ឥទ្ធិពល​ជា​លំដាប់ ។​